КИЧЭЭЛ 55
Чыыжыңарны деткиңер
Сая-сая Иегованың Херечилери муң-муң чыыштарда суртаалдап турар. Олар чыыштарга үе-шаанда алган айтыышкыннарны, өөредилгени бедик үнелээр. Ынчангаш чыыжының ажыл-ижинге киржиринге кезээде белен. Оларның чижээ силерни сорук киирер-дир бе?
1. Чыыш дээш күш-шыдал, үе-шагыңарны канчаар ажыглап болур силер?
Кижи бүрүзү чыыжынга ажыктыг чүүлдү кылып болур. Улгады берген азы дуза хереглээн акы-угбалар бар болза, чыыштарже баарынга, бажың ажылынга азы садыгланырынга дузалажырын боданыр болза эки (Номчуптуңар: Иаков 1:27.) Оон аңгыда, Хурал залының ашталгазынга, септелгезинге киржип болур бис. Ону кылырын кым-даа албадавас, чүге дизе Бурганга, ха-дуңмавыска ынак болгаш, эки туравыс-биле дузалаар бис (Ырлар 110:3, Чаа делегей).
Сугга суктурган Иегованың Херечилериниң чыышка дузалажыр аргалары дыка хөй. Библейжи негелделерге дүгжүп турар акылар хуралдың дузалакчызы, а чоорту удуртукчузу кылдыр бараалгап болур. Акылар-даа, угбалар-даа хөй суртаалдаар дээш эгелекчилеп турар. Чамдык Иегованың Херечилериниң Хурал залдарының тудуунга киржир азы суртаалчылар чедишпес чыыштарга дузалажыр дээш көжер аргазы бар.
2. Чыышка акша-көпеек талазы-биле канчаар дузалажып болурул?
Үнелиг чүүлүвүстен өргүп, Иегованы алдаржыдып болур бис (Чугаалар 3:9, Чаа делегей). Акшавысты өөрүшкүлүү-биле чыыштың хереглелдеринге база бүгү делегей чергелиг суртаал ажылынга өргүп турар бис. (Номчуптуңар: 2 Коринфичилерге 9:7.) Оон аңгыда, бистиң өргүлдеривис бойдус халаптарындан когараан акы-угбаларга дузалаар. Дыка хөй акы-угбалар өргүлге бээр акшазын аңгылап ап турар. (Номчуптуңар: 1 Коринфичилерге 16:2.) Хурал залында тускай хааржактар азы donate.pr418.com сайт таварыштыр өргүп болур бис. Өргүлдер — Иеговага ынакшылывысты көргүзер база бир арга.
ХАНЫ ШИНЧИЛЕҢЕР
Чыыжыңарга канчаар дуза кадып болурун көрээлиңер.
3. Акша-көпеек-биле дузалап болур бис
Иегова биле Иисус дузааргак улуска ынак. Эвээш акшалыг-даа болза, Иеговага өргүл салган ядыы угбайның чижээн Иисус онзалаан. Лука 21:1—4-тү номчааш, харыылаптыңар:
-
Иегова чүгле хөй түңнүг өргүлдер дээш өөрүүр бе?
-
Сеткиливис ханызындан өргүл кылырывыска Иегова биле Иисус чүнү миннип турар?
Өргүлдерни канчаар ажыглап турарын билип алыр дээш, ВИДЕОНУ көргеш, айтырыгга харыылаптыңар:
-
Бистиң өргүлдеривис бүгү делегейде акы-угбаларга канчаар дузалап турар?
4. Дуза кадып болур бис
Чүдүлге черлери төлептиг болзун дээш, Иегованың бараалгакчылары болдунар бүгү чүүлдү кылып чораан. Ынаар акша-биле дузалажырындан өске чүүлдер база кирип турар. 2 Чылдар 34:9—11-ни номчааш, харыылаптыңар:
-
Иегованың өргээзиниң байдалы эки болзун дээш, Израильге кижи бүрүзү канчаар үлүүн киирип турган?
Иегованың Херечилери амгы үеде ол үлегерни эдерип турар. ВИДЕОНУ көргеш, айтырыгларга харыылаптыңар:
-
Хурал залдарының байдалы эки, арыг болуру чүге чугула?
-
Силер канчаар дузалап болур силер?
5. Эр улус канчаар дузалап болур?
Эр улусту чыыш дээш хөй ажылдаарынче Библия кыйгырып турар. Бир чижекти ВИДЕОДАН көргеш, айтырыгга харыылаптыңар.
-
Ол акывыс чыышка хөй дузалажыр дээш чүнү кылган?
Библияда хуралдың дузалакчылары азы удуртукчулары болур күзелдиг эр улуска негелделер бар. 1 Тимофейге 3:1—13-тү номчааш, харыылаптыңар:
БИР КИЖИ МЫНЧААР АЙТЫРЫП БОЛУР: «Иегованың Херечилери ажыл-чорудулгазын канчаар хандырып турар?»
-
Силер болза, чүү деп харыылаар силер?
КОЛ БОДАЛ
Чыыштың ажыл-херээнче үндүрүп турар үевисти, күжүвүстү, акша-төгериивисти Иегова дыка үнелээр.
Катаптаашкын
-
Чыыш дээш күш-шыдал, үе-шагыңарны канчаар ажыглап болур силер?
-
Чыышты акша-төгериивис-биле канчаар деткип болур бис?
-
Чыыжыңарга чүнү кылырын күзээр-дир силер?
НЕМЕЛДЕ
Бурган оннуң бир кезиин төлээрин чүге соксатканын номчуп көрүңер.
«Оннуң бир кезиинге хамаарыштыр Библия чүү дээнил?» (веб-статья)
Бижилгеден алырга, сугга суктурган эр улус кезек даалгаларны күүседир ужурлуг. А бир эвес сугга суктурган херээжен улус ол даалгаларны кылыр апарза, канчаарыл?
«Чыышта башкарылга дүрүмүн эки билип турар силер бе?» («Таңныыл суургазы» февраль, 2021 чыл)
Ха-дуңмазынга ном-дептер чедирер эрес, кызымак Иегованың Херечилери-биле таныжыңар.
Ажыл-чорудулгавыстың хандырылгазы өске шажыннардан ылгалдыын номчуп көрүңер.
«Иегованың Херечилери ажыл-чорудулгазын канчаар акшаландырып турар?» (веб-статья)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
