КИЧЭЭЛ 57
Аар бачыт кылган болзуңарза, чүнү канчаарыл?
Иеговага дыка ынак болгаш, Ону хомудатпазын кызар силер. Ындыг-даа болза, частырыглар тургулаар. Оларның чамдыызы аар, шыңгыы боор (1 Коринфичилерге 6:9, 10). Аар бачыт кылыпкан болзуңарза, Иегова силерге ынак деп утпаңар. Ол силерни өршээрин база дузалажырын күзеп турар.
1. Иегованың өршээлин алыр дээш, чүнү канчаар болза эки?
Бурганга ынак улус аар бачыт кылыпкаш, буруузуна бээр. Ынчалза-даа Иегованың сөстери оларга аргалалды берип турар: «Бачыттарыңар кып-кызыл өңнүг-даа болза, хар ышкаш ак апаар» (Исайя 1:18). Шын сеткиливистен буруувусту миннир болзувусса, Бурган бисти долузу-биле өршээр. Буруузун миннири дээрге кылыпкан частырыы дээш хараадап, ону катап кылбас деп хөөнненип алгаш, Иеговадан өршээлди чаннып дилээри-дир. Бурганның дүрүмнеринге дүүштүр чурттаар дээш, бачытче идипкен бодалдарны, чаңчылдарны өскертип, бүгү-ле болдунар чүүлдү кылыры чугула. (Номчуптуңар: Исайя 55:6, 7.)
2. Иегова удуртукчулар таварыштыр канчаар дузалаар?
Чыыш иштинге аар бачыт кылган кижи хуралдың удуртукчуларындан дуза дилээрин Бурган чугаалаан. (Номчуптуңар: Иаков 5:14, 15, Чаа делегей.) Удуртукчулар Иеговага болгаш акы-угбаларга ынак. Иегова-биле хамаарылганы катап тургузуп алырынга биске дузалаар кылдыр ол эр улусту тускай өөредип каан (Галатчыларга 6:1).
Частырыг кылган болзувусса, хуралдың удуртукчулары канчаар дуза кадар? Ийи, үш удуртукчу Бижилгениң дузазы-биле ол кижини эдип, чазаар. Оон аңгыда, моон соңгаар бачыт кылбазынга сүмелерни бээр база сорук киирип деткиир. Удуртукчу акылар байдалывыс экижиирге чедир, чыыштың ажыл-херээнге киржилгевисти кезек үеде кызыгаарлап каап болур. Өске акы-угбаларга багай салдар чедирбес кылдыр, буруузун миннивес кижини удуртукчулар чыыштан үндүрүптер.
ХАНЫ ШИНЧИЛЕҢЕР
Аар бачыт кылган улуска Иегова канчаар дузалап турарын көрээлиңер. Ынчан Бурганның дузазын оон-даа үнелээр силер.
3. Бачытты чугаалаары — эмнээшкинниң эгези
Кандыг-даа бачыт — Иеговага удур болганда, ону бир дугаарында Аңаа чугаалаары чугула. Ырлар 31:1—5-ти номчааш, харыылаптыңар:
-
Бачытты чажырбайн, ажыы-биле чүге Иеговага чугаалаар болза эки?
Кылган бачытты Иеговадан аңгыда удуртукчуларга чугаалаар болзувусса, биске чиик апаар. ВИДЕОНУ көргеш, айтырыгга харыылаптыңар.
-
Удуртукчулар дуңмазынга Иеговаже эглип кээринге канчаар дузалааныл?
Шупту чүвени удуртукчуларга ажыы-биле шынын чугаалаары чугула. Олар биске дузалаар дээш кызып турар. Иаков 5:16-ны номчааш, харыылаптыңар:
-
Удуртукчуларга шынын чугаалаар болзувусса, биске дузалаары чүге белен болур?
Иеговага, удуртукчуларга бачыдыңарны чугаалааш, дузаны хүлээп алыңар
4. Чыыштан үндүрериниң ажыы кандыг?
Иегованың хоойлуларын сагывас, аар бачыт кылган кижи чыыштың кежигүнү болуп шыдавас. Ол кижи чыыштан үндүртүр, ооң-биле кым-даа харылзашпас. 1 Коринфичилерге 5:6, 11 биле 2 Иоанн 9—11-ни номчааш, харыылаптыңар:
-
Хензиг ажыткы хөй далганны ажыдыптар. Буруузун миннивес кижи бүдүн чыышка багай салдар чедирип болурун бо чижек канчаар көргүскен?
Чыыштан үндүрткен дыка хөй улус дедир эглип келген. Ол хемчег аарышкылыг, ынчалза-даа оларга кылган бачыдының шыңгыызын угаап-билип каарынга дузалаан (Ырлар 140:5). ВИДЕОНУ көргеш, айтырыгга харыылаптыңар.
-
Чыыштан үндүрүптерге Соняга кандыг салдарлыг болган?
Чыыштан үндүрери:
-
Иегованың адын канчаар камгалап турар?
-
Иегованы ынакшылдыг, чөптүг деп канчаар көргүзүп турар?
5. Буруувусту миннир болзувусса, Иегова өршээр
Буруузун миннип келген кижиге Иегованың хамаарылгазын көргүзүп турар чижекти Иисус чугаалаан. Лука 15:1—7-ни номчааш, харыылаптыңар:
-
Бо чижек силерге Иегованың дугайында чүнү ажытты?
Иезекиил 33:11-ни номчааш, харыылаптыңар:
-
Кижиниң шын сеткилинден буруузунганын канчаар билип алыр?
Иегова — буянныг кадарчы. Ол хойларынга чылыг-чымчак хамаарылгалыг
ЧАМДЫК УЛУС МЫНЧА ДЕП БОЛУР: «Хуралдың удуртукчуларынга шуптузун чугаалаптарымга мени үндүрүпсе канчаар, коргар мен».
-
Ынча дээр кижиге канчаар харыылаар силер?
КОЛ БОДАЛ
Аар бачыт кылган болзувусса, сеткиливистен буруувусту миннип, ону катаптавазын быжыг хөөнненип алырывыска, Иегова бисти өршээр.
Катаптаашкын
-
Бачыдывысты Иеговага чугаалаары чүге бодувуска-ла эки?
-
Иегованың өршээлин алыр дээш, чүнү канчаар болза эки?
-
Аар бачыт кылган болзувусса, удуртукчулардан дуза дилээри чүге чугула?
НЕМЕЛДЕ
Бир эр кижи Исайя 1:18-те бижээн Иегованың энерелин канчаар көрген?
Хуралдан үндүрер хемчегниң сорулгазы кандыг?
«Хуралдан үндүрери — ынакшылдыг хемчег» («Таңныыл суургазы» апрель 15, 2015 чыл)
Хуралдан үндүрер хемчегни Иегованың Херечизи эвес кижиге канчаар тайылбырлап болурун номчуп көрүңер.
«Үндүрткен улустан Иегованың Херечилери ойталаар бе?» (веб-статья)
Бир эр кижини хуралче эглип кээринге, чүү оттурганын номчуп көрүңер.
«Алыс шын чуртталганы өскертир» («Таңныыл суургазы» апрель 1, 2012 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
