КИЧЭЭЛ 58
Иеговага шынчы болуңар
Ёзулуг христианнар Иегова-биле найыралын кымга-даа, чүге-даа орнавас. Бурган-биле найырал силерге база эң чугула боор. Шынчы кижини Ол дыка үнелээр. (Номчуптуңар: 1 Чылдар 28:9.) Кандыг байдалдарда шынчы болуру берге, ынчан чүү дузалап болурул?
1. Иеговага шынчывысты кижилер канчаар шенеп болур?
Чамдык улус силерни Иеговага бараалгавазын күзээр. Чижээ, ойталакчылар. Олар боттары алыс шынны каапкаш, бистиң бүзүреливисти узуткаар дээш, Бурганның организациязының дугайында мегени тарадып турар. А чамдык шажын башкылары меге информация дузазы-биле бүзүрээчел, оваарымча чок улусту алыс шындан ырадыр сорулгалыг. Ынчангаш олар-биле чугаалажып, номнарын азы блогтарын номчуп, сайтыларынче кирип, видеоларын көөрү дыка айыылдыг. Ёзулуг бүзүрелди чок кылырын оралдажыр улус дугайында Иисус мынча дээн: «Оларны кааптыңар. Олар согур башкарыкчылар-дыр. Караа көрбес кижи эжин чедер болза, ийилээ оңгарже кээп дүжер» (Матфей 15:14, Чаа делегей).
Бир акывыс улаштыр Иеговага бараалгаар күзелин чидирипкен болза канчаар? Чоок киживис болза, ол медээ дыка аарышкылыг. Чүге дизе, Иегованы азы эживисти шилиир бис. Эң чугула сактыр чүүлүвүс — Бурганга бердинген артары (Матфей 10:37). Ынчангаш Иегованың айтыышкыннарын дыңнап, шак ындыг улус-биле эдеришпес бис. (Номчуптуңар: 1 Коринфичилерге 5:11.)
2. Иеговага шынчывысты шилилгевис канчаар шылгап болур?
Иеговага ынак болгаш, меге шажын-биле кандыг-даа харылзаавыс чок. Ажылывыс, өске-даа херектеривис аңаа хамаарылгалыг болурун күзевес бис. Меге шажын-биле тудуш организациялар база деткивес бис. Иегова бисти: «Мээң чонум... [Өндүр улуг Вавилондан] үнүп чоруңар» деп кыйгырган (Ажыдыышкын 18:2, 4).
ХАНЫ ШИНЧИЛЕҢЕР
Иеговага шынчы эвес улус аайынче кирбес дизе, чүнү канчаарыл? Өндүр улуг Вавилондан үнери дээрге чүү дээнил?
3. Бурган дугайында меге өөредип турар улустан оваарныңар
Иегованың организациязының дугайында багай чугаа дыңнааш, канчаар бис? Чугаалар 14:15-ти номчааш, харыылаптыңар:
-
Дыңнаан-на чүвеге бүзүрээри чүге шын эвес?
2 Иоанн 10-ну номчааш, харыылаптыңар:
-
Ойталакчыларга хамаарылгавыс кандыг?
-
Дорт харылзаа чокка-ла, ойталакчыларның айыылдыг бодалдарынга канчаар таваржып болур бис?
-
Меге информация тарадып турар улусту сонуургаар болзувусса, Иегова чүнү миннир?
4. Чыышта кижи бачыт кылган-даа болза, Бурганга шынчы артыңар
Чыышта бир кижи бачыт кылган таварылгада бисте кандыг харыысалга бар? Бурганның Хоойлузунда дүрүмнү көрүптээлиңер. Левит 5:1-ни номчуптуңар.
Бо шүлүктен алырга, бир кижи бачыт кылганын билип кааш, удуртукчуларга дыңнадыры чугула. Ынчалза-даа баштай бачыт кылган кижиге, ол боду удуртукчуларга баар кылдыр чугаалаары дээре. Ол кижи ынавас болза, Иеговага шынчы кижи билир чүүлүн удуртукчуларга чугаалап чедирер. Ындыг таварылгада бердингенивисти, ынакшылывысты:
-
Иегова Бурганга канчаар көргүзер бис?
-
бачыт кылган кижиге канчаар көргүзер бис?
-
акы-угбаларга канчаар көргүзер бис?
Акыңар айыылда болза, дузалажыңар!
5. Өндүр улуг Вавилондан үнүп алыңар
Лука 4:8 биле Ажыдыышкын 18:4, 5-ти номчааш, харыылаптыңар:
-
Меге чүдүлгениң кежигүнү хевээр мен бе?
-
Өске шажын-биле тудуш организацияга хамааржып турар мен бе?
-
Ажылым меге шажын-биле кандыг-бир холбаалыг бе?
-
Меге шажын-биле мени харылзаштырып турар чүүлдер ам-даа бар бе?
-
Айтырыгларның чамдыызынга ийе дээн болзумза, чүнү өскертир болза эки?
Шиитпир хүлээрде Иеговага бердингениңерни арыг арын-нүүр-биле бадыткаңар.
Шажын ажылынга өргүл салырын дилээр болза, канчаар силер?
ЧАМДЫК УЛУС МЫНЧА ДЕП БОЛУР: «Иегованың Херечилериниң дугайында ойталакчылар чүнү чугаалаарын билип алырымга, алыс шынны камгалап шыдаптар мен».
-
Ол бодал мерген угаанныг бе? Тайылбырлаптыңар.
КОЛ БОДАЛ
Иеговага шынчы болур дизе, саттыныкчылар-биле харылзашпазы чугула. Оон аңгыда, меге шажын-биле шупту харылзааны үзер болза эки.
Катаптаашкын
-
Чүге ойталакчыларның чүзүн-даа сонуургавас бис?
-
Иеговага моон соңгаар бараалгаар күзели чок улуска кандыг хамаарылгалыг болуру чугула?
-
Меге шажындан канчаар үнер?
НЕМЕЛДЕ
Иегованың Херечилериниң дугайында багай чугаа дыңнааш, канчаар бис?
«Силерде шупту барымдаалар бар бе?» («Таңныыл суургазы» август, 2018 чыл)
Кандыг-бир организацияның Вавилон-биле харылзаазы бар-чогун канчаар билип алырыл?
«„Сөөлгү хүннерниң“ сөөлгү хүннеринде хөй бараалгаңар!» («Таңныыл суургазы» октябрь, 2019 чыл, абз. 16—18)
Ойталакчылар бүзүреливисти чок кылыр дээш канчаар кызып турарыл?
Синтоист шажынны каапкан кижиниң намдарын номчуп көрүңер.
«Алыс шын чуртталганы өскертир» («Таңныыл суургазы» июль 1, 2011 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
