Немелде материал
1. «Өндүр улуг Вавилон» дээрге чүл?
«Өндүр улуг Вавилон» дээрге шупту меге шажыннар деп кайыын билир бис? (Ажыдыышкын 17:5). Ол түңнелдиң бадыткалдары:
-
Ооң салдары бүгү делегейде. Библияда Өндүр улуг Вавилонну «аймактар, чоннар» кырында олурар деп бижээн. Ол «чер-делегейниң хааннарын чагырган өндүр улуг хоорай» (Ажыдыышкын 17:15, 18).
-
Ол политика-даа, садыг-саарылга-даа эвес. Меге шажыннарның узуткаашкынының үезинде «черниң хааннары», «садыгжылар» дириг артар (Ажыдыышкын 18:9, 15).
-
Ол Бурганның дугайында мегеге өөредип турар. Бодунуң ажыын бодап, чазактар-биле керээ чарып турар болгаш, Өндүр улуг Вавилон самыын херээжен деп адаткан (Ажыдыышкын 17:1, 2). Ол шупту чоннарны мегелеп турар. Өндүр улуг Вавилон дыка хөй кижилерниң өлүмүнге кем-буруулуг (Ажыдыышкын 18:23, 24).
13 дугаар кичээлдиң 6 дугаар пунктузунче эглир
2. Чагдырткан Чагырыкчы кажан келир ужурлуг?
Библияда чагдырткан Чагырыкчының келиринге чедир 69 хуусаа эртер ужурлуг дээн. (Номчуптуңар: Даниил 9:25.)
-
Ол 69 хуусаа кажан эгелээн? Б. э. чедир 455 чылда. Ол чылын Неемия чагырыкчы Иерусалим хоорайны катап тургузуп, тудуп эгелээн (Даниил 9:25; Неемия 2:1, 5—8).
-
69 хуусаа кайы хире үеде үргүлчүлээн? Чамдык библейжи өттүр билген медеглелдерде «хүн» деп сөс чыл деп уткалыг (Саннар 14:34; Иезекиил 4:6). Ынчангаш 7 хүн дээрге чеди чыл азы чеди хуусаа-дыр. Түңнелинде, 69 хуусаа — дээрге 483 чыл (69 хуусаа x 7 хүн).
-
69 хуусаа кажан төнген? Б. э. чедир 455 чылдан эгелеп, 483 чылды санаптар болза, б. э. 29 чылга кээр. a Ол-ла чылын Иисус сугга суктургаш, чагдырткан Чагырыкчы апарган! (Лука 3:1, 2, 21, 22).
15 дугаар кичээлдиң 5 дугаар пунктузунче эглир
3. Эмнээшкинниң хан ажыглаар аргалары
Эмнээшкинге аарыг кижиниң бодунуң ханын ажыглаар аргалар бар. Чамдыктары христиан кижиге таарышпас. Чижээ, донор болурундан база кезиишкин мурнунда ханын алгаш, оон бодунче кудар кылдыр шыгжаарындан христианнар ойталап турар (Ыдыктыг хоойлуну катаптааны 15:23).
Христиан кижиниң чөпшээрежип болур эмнээшкини база бар. Аңаа хан анализин алыры, гемодиализ, гемодилюция, хан эргилдезинге дузалаар аппарат болгаш селл-сейвер хамааржыр. Анализ алырда, кезиишкинге база эмнээшкинге ханын канчаар ажыглаарын христиан кижи бүрүзү боду шиитпирлээр. Эмчи бүрүзү ол аргаларны бодунуу-биле кылып турар болганда, эмнээшкин үезинде христиан кижи ооң ханын канчаар ажыглаарынга хамаарыштыр информацияны тода билип алгаш, шиитпирни үндүрер. Ынчангаш бо айтырыгларны эки боданыры чугула:
-
Бир эвес кезиишкинге мага-бодумдан үнген ханның агымын түр када доктаадыптар болза канчаар? Ол хан ам-даа мээң мага-бодумнуң кезии бе, ону «черже» төкпезин арын-нүүрүм чөпшээрээр бе? (Ыдыктыг хоойлуну катаптааны 12:23, 24).
-
Ханымның тургузуун өскерткеш, катап менче кудар болза канчаар? Ындыг эмнээшкинге чөпшээрежир болзумза арын-нүүрүм арыг болур бе?
39 дугаар кичээлдиң 3 дугаар пунктузунче эглир
4. Аңгы чурттаары
Библияда аңгы чурттаарын сүмелевейн турар. Аңгы чурттап тургаш, өске өг-бүле тутпас ужурлуг (1 Коринфичилерге 7:10, 11). Бурганның бараалгакчызын ындыг базымче албадаптар байдалдар туруп кээп болур.
-
Өг-бүлезин азыраарындан өжегерээн ойталаары. Өгнүң эр ээзи кадайын, ажы-төлүн аъш-чем, акша-төгерик чок арттырып каан байдал (1 Тимофейге 5:8).
-
Эмин эртир каржы-хажагай хамаарылга. Кады чурттаан эжинге күш дөгеп, кадыынга, амы-тынынга айыыл чедирип турар байдал (Галатчыларга 5:19—21).
-
Иегова-биле хамаарылгазынга улуг айыыл. Кады чурттаан эжин Иеговага бараалгаар арга чок кылып турар байдал (Ажыл-чорудулга 5:29).
42 дугаар кичээлдиң 3 дугаар пунктузунче эглир
5. Байырлалдар
Иегованы хомудадып турар хире байырлалдарга христианнар киришпес. Христиан кижи Библиядан өөренип алган арын-нүүрүн байдал бүрүзүнде дыңнаар болза эки. Чижектерден көрүптээлиңер.
-
Силерге байырлал таварыштыр байыр чедиргенде. Анаа четтиргениңер илередип болур силер. Байырлалды чүге демдеглевейн турарыңарны ол кижи айтырар болза, тайылбырлап берип болур силер.
-
Иегованың Херечизи эвес кады чурттаан эжиңер силерни төрелдеринче байырлал таварыштыр аалдаарын дилээнде. Ынаар баарын арын-нүүрүңер чөпшээрээн болза, меге шажынның чаңчылдарынга киришпезиңерни эжиңерге баш удур хүндүткелдиг сагындырып каары чугула.
-
Байырлал таварыштыр даргаңар силерге премия бээр дээнде. Ол шаңнал акшаны алыр-албазын боттарыңар шиитпирлээр силер. Премияны даргаңар байырлалга хамаарыштырып турар бе азы эки ажылдааныңар дээш шаңналыңар бе? Ону тодарадыр апаар.
-
Байырлалдар хүнүнде белек. Бир кижи мынча деп болур: «Силерни бо байырлалды эрттирбес деп билир мен, ынчалза-даа силерге бо белекти бериксеп тур мен». Ол кижиниң сеткилинден кичээнгейи чадавас. Оон аңгыда бүзүрелиңерни шенээр дээн азы силерни ол байырлалга киржиринче ыдалап турар бооп болур. Ону тодарадыр апаар силер. Шиитпиривис кандыг-даа болза, арыг арын-нүүрлүг болгаш Иеговага шынчы артарын күзээр бис (Ажыл-чорудулга 23:1).
44 дугаар кичээлдиң 1 дугаар пунктузунче эглир
6. Халдавырлыг аарыглар
Бис кижилерге ынак бис. Бир эвес аарый берген болзувусса, өскелерге аарыгны халдатпас дээш, бүгү-ле чүүлдү кылыр бис. «Чаныңда кижиге бодуңга бодуң дег ынак бол» — деп библейжи айтыышкынга чагыртыр болгаш, ону кылып турар бис (Римчилерге 13:8—10).
Ону херек кырында чуртталгага канчаар ажыглаар? Аарыг кижи өскелерге аарыын халдатпас дээш, минниишкиннерин илередирде хол тутчуп мендилевес, улус чыттап, куспактанмас ужурлуг. Бир-ле кижи өг-бүлезин камгалап, аарып турар кижини бажыңынче чалаваска, ол хомудавас болза эки. Өске кижилерни камгалаар дээш, сугга суктурарының мурнунда аарыг кижи удуртукчу акыларга байдалын чугаалаар. Халдавырлыг аарыглыг болур айыыл бар турган кижи таныжар бетинде хан анализи дужаар ужурлуг. Ынчалдыр ол «чүгле бодунуң эвес, а өскелерниң эрге-ажыының дугайында» сагыш човаарын көргүзер (Филипчилерге 2:4).
56 дугаар кичээлдиң 2 дугаар пунктузунче эглир
7. Ажыл-херек болгаш юридиктиг айтырыглар
Акша-төгерик айтырыгларын христианнар безин саазын кырынга дугуржур болза, дыка хөй бергелерден чайлаар (Иеремия 32:9—12). Акшага болгаш өске айтырыгларга хамаарыштыр христианнар билишпейн барып болур. Ынчангаш ол чөрүлдээлерни боттарының аразында өске улус киириштирбейн, тайбың болгаш дүргени-биле шиитпирлээри чугула.
Нүгүл азы акша мегелеп алыр дээн ышкаш шыңгыы айтырыглар тыптып кээрге канчаар? (Номчуптуңар: Матфей 18:15—17.) Иисус бо үш базымны кылырын дорт айыткан:
-
Боттары аразында айтырыгны шиитпирлеп алырын шенээр. (15 дугаар шүлүктү көрүңер.)
-
Болдунмас болза, ол херекке бир-ийи бүзүрелдиг христианнарны киириштирер. (16 дугаар шүлүктү көрүңер.)
-
Маргыш шиитпирлеттинмээн болза, чүгле ынчан хуралдың удуртукчуларындан дузаны дилээр. (17 дугаар шүлүктү көрүңер.)
Иегованы болгаш чыышты бак атка киирбес дээш, хөй кезиинде акыларывысты суд черинче билдиртпес бис (1 Коринфичилерге 6:1—8). Ынчалза-даа христиан кижи чижээ, чарлыышкын, опека, алимент, страховка, банкрот азы салгал дамчыыр өнчү-хөреңги айтырыгларынга судче билдириишкин бижип болур. Ындыг байдалда айтырыгны тайбың шиитпирлеп алыр дээш, судче бериптер кижи библейжи дүрүмнерни үревейн турар.
Эрге-чагырга улузунга күштээшкин, назы-хар четпээн уругну чазарлаан, күш дөгээн, хөй түңнүг акша оорлаан азы өлүрүүшкүн дээн ышкаш шыңгыы кем-херекти дыңнадырга, христиан кижи библейжи дүрүм хажытпайн турар.
a Б. э. чедир 455 чылдан эгелеп, б. э. 1 чылга чедир 454 чыл эрткен. Б. э. чедир 1 чылдан эгелеп, б. э. 1 чылга чедир чүгле 1 чыл эрткен (тик чыл чок). А б. э. 1 чылдан эгелеп, б. э. 29 чылга чедир 28 чыл эрткен. Түңнээр болза, 483 чыл.
