Бо кезектен тура Христиан Грек Бижилгелерде болуушкуннарны көөр бис. Иисус бичии хоорайга бөдүүн өг-бүлеге төрүттүнген. Ол бызаңчы ачазы-биле кады ажылдап чораан. Иисус кижи төрелгетенниң Камгалакчызы боор ужурлуг турган. Иегова ону дээрде Чагыргазының Хааны кылдыр томуйлап каан. Иисусту Бурганны хүндүлээр өг-бүлеге өзер кылдыр Иегованың сагыш човаанынче төлүңерниң кичээнгейин салыңар. Ирод Иисусту өлүрер деп баарга, Иегованың ону канчаар камгалаанын база күзел-соруун күүседиринге аңаа чүү-даа шаптыктап шыдавас деп тайылбырлаңар. Оон ыңай Иоанн Медеглекчи Иисустуң кээринге чонну канчаар белеткеп турганын төлүңер-биле чугаалажыңар. Иисус бичиизинден тура Иеговага дыңнангыр турган деп демдеглеңер.