ЫРЫ 126
Сергек, быжыг, туруштуг болуңар!
-
1. Быжыг, туруштуг артар дээш,
Серемчилелдиг болуп,
Бурунгаар дидим көрүңер,
Тиилелге манап турар!
Дээргивис Иисуска чагыртып,
Чайгылыш чок, шиитпирлиг артаал!
КОЖУМАА
Бис сергек, быжыг, туруштуг бооп,
Оруктан чандыр баспаал!
-
2. Башкарыкчывыс Христосту
Быжыг туруштуг деткип,
Сарыылдыг кулдуң чагыынга
Күзелдиг чагыртыылы.
Ынакшылдыг акыларывыс
Бисти удуртур, сүме кадар.
КОЖУМАА
Бис сергек, быжыг, туруштуг бооп,
Оруктан чандыр баспаал!
-
3. Бис быжыг, чаңгыс демниг бооп,
Медээвисти камгалаал.
Дайзыннар удурланза-даа,
Бараалгап, шынчы артаал.
Чаяакчывысты алгап-мактап,
Шииткелдиң хүнүн дидим чарлаал!
КОЖУМАА
Бис сергек, быжыг, туруштуг бооп,
Оруктан чандыр баспаал!
(Көрүңер: Мф. 24:13; Евр. 13:7, 17; 1 Пет. 5:8.)
