ЫРЫ 35
Эң эки чугула чүүлдү билип алыңар
-
1. Бурганывыстың алыс шынынга
Быжыг туруп, ханылап,
Бодувуска эң чугула чүүлдү
Угаап билири херек.
КОЖУМАА
Буян тарып, олче чүткүп,
Чаяакчының
Күзел-соруун кол черге салыры —
Йөрээлдерлиг,
Эң эки чугула чүүл ол-дур!
-
2. Бурганывыстың Чагыргазын бис
Суртаалдап чедирер бис.
Шынны билип алыксааннарга бис
Ол орукту айтыр бис.
КОЖУМАА
Буян тарып, олче чүткүп,
Чаяакчының
Күзел-соруун кол черге салыры —
Йөрээлдерлиг,
Эң эки чугула чүүл ол-дур!
-
3. Чугула чүүлдү кылып тургаштың,
Бис аас-кежиктиг болуп,
Бурганывыстан амыр-тайбыңны
Чүрээвиске миннир бис.
КОЖУМАА
Буян тарып, олче чүткүп,
Чаяакчының
Күзел-соруун кол черге салыры —
Йөрээлдерлиг,
Эң эки чугула чүүл ол-дур!
(Көрүңер: Ыд. ыр. 96:10; Иоан. 21:15—17; Флп. 4:7.)
