Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Бо библейжи курс дараазында чүүлдерге силерге дузалап болур:

•   Аас-кежиктиг чурттаарынга.

•   Бурган-биле чоокшулажырынга.

•   Библияда келир үе дугайында чүү дээнин билип алырынга.

Бо арында

•  Библейжи кичээл канчаар эртер?

•  Өөредилге төлевирлиг бе?

•  Өөренир курс кайы хире үр болур?

•  Чүден эгелеп алыр?

•  Шенеп өөренип болур бе?

•  Библия өөренгеш, Иегованың Херечизи апаары албан бе?

•  Бодумнуң Библиям-биле өөренип болур мен бе?

•  Кичээлдерже өске улусту чалап болур бе?

•  Ооң мурнунда Библияны Иегованың Херечилери-биле өөренип турган болзумза, катап өөренген херээм бар бе?

•  Бот өөренир программа силерде бар бе?

 Өөредир башкы темадан темаже Библия-биле таныжып алырынга силерге дузаны кадар. «Аас-кежиктиг мөңге чуртта!» деп курс Библияның өөредиглери-биле чоорту таныштырып, ол билиглер силерге кандыг ажыктыын билип алырынга дузалаар. Өөредилгениң дугайында бо видеода тодаргай чугаалап турар.

 Чок. Бис Бурганның Оглунуң өөреникчилеринге берген: «Халаска алган силер — халаска бериңер» дээн айтыышкынын сагып чоруур бис (Матфей 10:8). Өөредилге төлевир чок, Библия болгаш «Аас-кежиктиг мөңге чуртта!» деп ном база халас.

 Өөренир курс 60 кичээлден тургустунган. Өөредилгениң доостуру силерден хамааржыр, колдуунда улус неделяда бир азы оон хөй катап өөрениринге ынак.

1.  1. Дилегни онлайн долдуруптуңар. Ол информация чүгле силер-биле харылзажырынга ажыктыг.

2.  2. Башкыңар силер-биле харылзажыптар. Кичээлдер канчаар эртерин тайылбырлааш, айтырыгларыңарга шуптузунга харыылап бээр.

3.  3. Өөредилгеңер канчаар эртерин башкыңар-биле дугуржуп алыңар. Өөренип болур аргалар: хууда ужурашкаш азы телефон, видео, чагаа, электроннуг почта таварыштыр. Кичээл колдуунда бир шак эртер. Ынчалза-даа силерге эптиг кылдыр үезин кыскаладып азы узадып болур.

 Ийе. Дилегни онлайн долдуруптуңар. Бо курс силерге тааржыр-таарышпазын көрүптер дээш, башкыңар-биле харылзажыпкаш, шенелде кичээл эрттирерин чугаалаңар. Ындыг таварылгада «Аас-кежиктиг мөңге чуртта!» деп чүгле үш киирилде кичээлдиг тускай брошюра бар.

 Чок. Иегованың Херечилери Ыдыктыг Бижилгени өөредиринге ынак, ынчалза-даа бистиң чүдүлгевисти хүлээп алырынче улусту албадавайн турар бис. Бис чүгле Библияның өөредиглерин таныштырар бис, а чүү чүвеге бүзүрээрин кижи боду шиитпирлээр (1 Пётр 3:15).

 Ийе. Библияның кандыг-даа очулгазын ажыглап болур силер. «Чаа делегей» очулгазы тода, билдингир боорга, аңаа ынак-даа болзувусса, улус өөренирде чаңчыккан очулгазын ажыглаарын билип турар бис.

 Ийе. Кичээлдерже өг-бүлеңерни азы эштериңерни чалап ап болур силер.

 Ийе. Ооң мурнунда курстарга бодаарга, бо чаа өөредилге амгы үениң хереглелдеринге дүүштүр чаартынган. Чаа курс билип алырынга чиик болгаш делгереңгей.

 Ийе. Хөй улустуң саналындан алырга, башкы-биле өөренири эки-даа болза, чамдык улус Библияны баштай боттары өөрениксээр. «Библия өөренир дептерлер» деп арында Библияны өөрениринге дузалыг халас Капсырылгаларны болгаш ном-дептерлерни бижээн. Оларның чамдыызы бо.

•   Видеокичээлдер. Библияның кол өөредиглерин тайылбырлап каан кыска видеороликтер.

•   Библейжи айтырыгларга харыылар. Библияга хамаарышкан янзы-бүрү айтырыгларга ол статьяларда харыылап каан.

•   Библейжи шүлүктерниң тайылбыры. Билдингир библейжи сөстерниң, шүлүктерниң утказын билип алыр силер.