Isaya 1:1-31
1 Maono ambayo Isaya*+ mwana wa Amozi aliona kuhusu Yuda na Yerusalemu katika siku za Uzia,+ Yothamu,+ Ahazi,+ na Hezekia,+ wafalme wa Yuda:+
2 Sikieni, enyi mbingu, na usikilize, ewe dunia,+Kwa maana Yehova amesema:
“Nimelea wana wakakua,+Lakini wameniasi.+
3 Ng’ombe anamjua vizuri aliyemnunua,Na punda anaijua vizuri hori ya mmiliki wake;Lakini Israeli hanijui,*+Watu wangu mwenyewe hawatendi kwa uelewaji.”
4 Ole kwa taifa lenye dhambi,+Watu waliolemewa na dhambi,Uzao wa watu waovu, watoto waliopotoka!
Wamemwacha Yehova;+Wamemvunjia heshima Mtakatifu wa Israeli;Wamemgeuzia migongo yao.
5 Ni wapi mtakapopigwa tena kwa kuwa mnazidi kuasi?+
Kichwa chote ni kigonjwa,Na moyo wote ni mgonjwa.+
6 Kuanzia wayo wa mguu mpaka kichwani, hakuna sehemu yenye afya.
Kuna majeraha na michubuko na vidonda vilivyo wazi—Havijatibiwa* wala kufungwa wala kulainishwa kwa mafuta.+
7 Nchi yenu ni ukiwa.
Majiji yenu yameteketezwa kwa moto.
Wageni wanaila nchi yenu mbele ya macho yenu.+
Ni kama nchi iliyo ukiwa iliyoharibiwa kabisa na wageni.+
8 Binti ya Sayuni ameachwa kama kibanda katika shamba la mizabibu,Kama nyumba ya msonge katika shamba la matango,Kama jiji lililozingirwa.+
9 Kama Yehova wa majeshi hangetuachia waokokaji wachache,Tungekuwa kama Sodoma,Na tungefanana na Gomora.+
10 Sikieni neno la Yehova, enyi madikteta* wa Sodoma.+
Sikilizeni sheria* ya Mungu wetu, enyi watu wa Gomora.+
11 “Dhabihu zenu nyingi zina faida gani kwangu?”+ asema Yehova.
“Nimetosheka na dhabihu zenu za kuteketezwa za kondoo dume+ na mafuta ya wanyama waliolishwa vizuri,+Nami sipendezwi na damu+ ya ng’ombe dume wachanga+ na wanakondoo na mbuzi.+
12 Mnapokuja kusimama mbele zangu,+Ni nani ambaye amewataka mfanye hivyo,Mzikanyage-kanyage nyua zangu?+
13 Acheni kuleta matoleo zaidi ya nafaka yasiyo na thamani.
Uvumba wenu unanichukiza.+
Miezi mipya,+ sabato,+ kuita makusanyiko+—Siwezi kuvumilia matumizi ya nguvu za uchawi+ pamoja na kusanyiko lenu takatifu.
14 Nimechukia* miezi yenu mipya na sherehe zenu.
Zimekuwa mzigo kwangu;Nimechoka kuzibeba.
15 Na mnaponyoosha mikono yenu,Mimi huficha macho yangu nisiwaone.+
Ingawa mnatoa sala nyingi,+Mimi sisikilizi;+Mikono yenu imejaa damu.+
16 Jiosheni, jisafisheni;+Ondoeni matendo yenu maovu mbele za macho yangu;Acheni kutenda mabaya.+
17 Jifunzeni kutenda mema, tafuteni haki,+Mrekebisheni mkandamizaji,Teteeni haki za yatima,Nanyi mteteeni mjane.”+
18 “Sasa, njooni, na tunyooshe mambo kati yetu,” asema Yehova.+
“Ingawa dhambi zenu ni kama rangi nyekundu,Zitafanywa kuwa nyeupe kama theluji;+Ingawa ni nyekundu kama kitambaa chekundu,Zitakuwa kama sufu.
19 Mkionyesha utayari na kusikiliza,Mtakula vitu vyema vya nchi.+
20 Lakini mkikataa na kuasi,Mtaliwa na upanga,+Kwa maana kinywa cha Yehova kimesema hayo.”
21 Jinsi mji mwaminifu+ umekuwa kahaba!+
Ulikuwa umejaa haki;+Uadilifu ulikuwa ukikaa ndani yake,+Lakini sasa wauaji wanakaa ndani yake.+
22 Fedha yako imekuwa takataka,+Na pombe yako* imechanganywa na maji.
23 Wakuu wako ni wakaidi na wanashirikiana na wezi.+
Kila mmoja wao anapenda rushwa na kutafuta zawadi kwa bidii.+
Hawawatendei kwa haki mayatima,Na kesi ya mjane haiwafikii kamwe.+
24 Kwa hiyo Bwana wa kweli, Yehova wa majeshi,Mwenye Nguvu wa Israeli, anasema:
“Ah! Nitawaondoa wapinzani wangu,Nami nitalipiza kisasi dhidi ya maadui wangu.+
25 Nitaugeuza mkono wangu dhidi yako,Nitayeyusha takataka yako kama kwa sabuni,Nami nitauondoa uchafu wako wote.+
26 Nitawarudisha waamuzi wenu kama mwanzoniNa washauri wenu kama awali.+
Kisha wewe utaitwa Jiji la Uadilifu, Mji Mwaminifu.+
27 Sayuni atakombolewa kwa haki,+Na watu wake wanaorudi, kwa uadilifu.
28 Waasi na watenda dhambi watavunjwa pamoja,+Na wale wanaomwacha Yehova watafikia mwisho wao.+
29 Kwa maana wataona aibu kwa sababu ya miti mikubwa ambayo mlitamani,+Nanyi mtafedheheka kwa sababu ya bustani* ambazo mlichagua.+
30 Kwa maana mtakuwa kama mti mkubwa ambao majani yake yananyauka,+Na kama bustani isiyo na maji.
31 Mwanamume mwenye nguvu atakuwa kitani,*Na kazi yake itakuwa cheche ya moto;Atateketea motoni pamoja na kazi yake,Na hapatakuwa na yeyote wa kuwazima.”
Maelezo ya Chini
^ Maana yake “Wokovu wa Yehova.”
^ Au “hamjui bwana wake.”
^ Tnn., “Havijafinywa; Havijatumbuliwa.”
^ Au “watawala.”
^ Au “mafundisho.”
^ Au “Nafsi yangu imechukia.”
^ Au “pombe yako ya ngano.”
^ Inaonekana ni miti na bustani zilizohusiana na ibada ya sanamu.
^ Nyuzi zinazoshika moto kwa urahisi ambazo zinafanana na kamba.
