Isaya 27:1-13
27 Siku hiyo Yehova, akiwa na upanga wake mkali na mkubwa na wenye nguvu,+Atamwelekezea fikira Lewiathani,* yule nyoka anayenyiririka,Lewiathani, yule nyoka anayepindapinda,Naye atamuua mnyama mkubwa sana aliye baharini.
2 Siku hiyo mwimbieni hivi huyo mwanamke:*
“Shamba la mizabibu la divai inayotoa povu!+
3 Mimi, Yehova, ninamlinda.+
Kila wakati ninammwagilia maji.+
Ninamlinda usiku na mchana,Ili mtu yeyote asimdhuru.+
4 Mimi sina ghadhabu.+
Ni nani atakayenikabili kwa vichaka vya miiba na magugu katika vita?
Nitavikanyaga-kanyaga na kuvichoma moto vyote pamoja.
5 La sivyo, na ashikilie ngome yangu kwa nguvu,Na afanye amani pamoja nami;Acheni afanye amani pamoja nami.”
6 Siku zinazokuja Yakobo atatia mizizi,Israeli atachanua maua na kuchipuka,+Nao watajaza mazao katika nchi.+
7 Je, ni lazima apigwe kwa pigo la yule anayempiga?
Au, je, ni lazima auawe kama watu wake walivyouawa?
8 Utashindana naye kwa mlio wa kushtua utakapokuwa ukimfukuza.
Atamfukuza kwa mlipuko wake mkali katika siku ya upepo wa mashariki.+
9 Basi kwa njia hii uovu wa Yakobo utafunikwa,+Na haya ndiyo yatakayokuwa mazao kamili dhambi yake itakapoondolewa:
Atayafanya mawe yote ya madhabahuYawe kama mawe ya chokaa yaliyopondwa na kuwa ungaunga,Na hakuna miti mitakatifu* au vinara vya uvumba vitakavyobaki.+
10 Kwa maana jiji lenye ngome litaachwa tupu;Malisho yataachwa na kubaki kama nyika.+
Ndama atalisha humo na kulala humoNaye atakula matawi yake.+
11 Vitawi vyake vitakapokauka,Wanawake watakuja kuvivunja,Na kuvitumia kuwasha moto.
Kwa maana watu hawa hawana uelewaji.+
Ndiyo sababu Muumba wao hatawaonyesha rehema,Na Yule aliyewaumba hatawaonyesha kibali.+
12 Siku hiyo Yehova atayapiga kabisa matunda kuanzia kijito kinachotiririka cha ule Mto* mpaka kwenye Korongo* la Misri,+ nanyi mtakusanywa mmoja baada ya mwingine, enyi watu wa Israeli.+
13 Siku hiyo pembe kubwa itapigwa,+ na wale wanaoangamia katika nchi ya Ashuru+ na wale waliotawanywa katika nchi ya Misri+ watakuja na kumwinamia Yehova kwenye mlima mtakatifu huko Yerusalemu.+
