Isaya 48:1-22
48 Sikieni hili, enyi watu wa nyumba ya Yakobo,Ninyi mnaojiita kwa jina la Israeli+Na ambao mmetoka katika maji ya Yuda,*Ninyi mnaoapa kwa jina la Yehova+Na mnaomwitia Mungu wa Israeli,Ingawa si katika kweli na uadilifu.+
2 Kwa maana wanajiita kwa jina la jiji takatifu+Na kutafuta msaada wa Mungu wa Israeli,+Ambaye jina lake ni Yehova wa majeshi.
3 “Mambo ya kwanza* niliwaambia zamani za kale.
Yalitoka kinywani mwangu,Nami niliyatangaza.+
Kwa ghafla nilichukua hatua, nayo yakatokea.+
4 Kwa sababu nilijua jinsi ulivyo mkaidi—Kwamba shingo yako ni kano ya chuma na paji la uso wako ni shaba+—
5 Nilikuambia zamani za kale.
Kabla halijatukia, nilikufanya ulisikie,Hivi kwamba hungeweza kusema, ‘Sanamu yangu ilifanya hivi;Sanamu yangu ya kuchongwa na sanamu yangu ya chuma* ziliamuru jambo hili.’
6 Umesikia na kuona mambo haya yote.
Je, hutayatangaza?+
Kuanzia sasa na kuendelea ninakutangazia mambo mapya,+Siri zilizofichwa ambazo hujazijua.
7 Ni sasa yanapoumbwa, si zamani za kale,Mambo ambayo kabla ya leo hukuwahi kuyasikia,Hivi kwamba huwezi kusema, ‘Tazama! Tayari ninayajua.’
8 Hapana, hujasikia,+ hujajua,Na zamani masikio yako hayakuwa yamefunguliwa.
Kwa maana ninajua kwamba wewe ni mwenye hila sana,+Nawe umeitwa mkosaji tangu ulipozaliwa.+
9 Lakini kwa sababu ya jina langu nitaizuia hasira yangu;+Kwa ajili ya sifa yangu mwenyewe nitajizuia,Nami sitakuangamiza.+
10 Tazama! Nimekusafisha, lakini si kama fedha.+
Nimekujaribu* katika tanuru la kuyeyushia la mateso.+
11 Nitatenda kwa ajili yangu mwenyewe, kwa ajili yangu mwenyewe nitatenda,+Ninawezaje kukubali nitiwe unajisi?+
Simpi yeyote utukufu wangu.*
12 Nisikilize mimi, Ee Yakobo, na Israeli, ambaye nimemwita.
Mimi ni yuleyule.+ Mimi ndiye wa kwanza; mimi pia ndiye wa mwisho.+
13 Mkono wangu mwenyewe uliuweka msingi wa dunia,+Na mkono wangu wa kuume ulizitandaza mbingu.+
Ninapoziita, zinasimama pamoja.
14 Kusanyikeni pamoja, ninyi nyote, msikilize.
Ni nani kati yao ameyatangaza mambo haya?
Yehova amempenda.+
Atatekeleza mapenzi yake dhidi ya Babiloni,+Na mkono wake utawashambulia Wakaldayo.+
15 Mimi mwenyewe nimesema, nami nimemwita.+
Nimemleta, na njia yake itafanikiwa.+
16 Nikaribieni, msikie jambo hili.
Tangu mwanzoni kabisa sijasema kwa siri.+
Tangu lilipotokea nilikuwapo.”
Na sasa Bwana Mwenye Enzi Kuu Yehova amenituma, na* roho yake.
17 Yehova, Mkombozi wako, Mtakatifu wa Israeli,+ anasema hivi:
“Mimi, Yehova, ni Mungu wako,Ninayekufundisha ili ujifaidi mwenyewe,*+Ninayekuongoza katika njia unayopaswa kutembea.+
18 Laiti ungesikiliza amri zangu!+
Ndipo amani yako ingekuwa kama mto+Na uadilifu wako kama mawimbi ya bahari.+
19 Uzao wako ungekuwa mwingi* kama mchangaNa wazao wako kama chembe zake.+
Jina lao halingefutiliwa mbali kamwe wala kuangamizwa kutoka mbele zangu.”
20 Tokeni Babiloni!+
Kimbieni kutoka kwa Wakaldayo!
Litangazeni kwa vigelegele vya shangwe! Litangazeni!+
Lijulisheni mpaka kwenye miisho ya dunia.+
Semeni: “Yehova amemkomboa mtumishi wake Yakobo.+
21 Hawakupata kiu alipowaongoza katika maeneo yaliyoharibiwa.+
Alifanya maji yatiririke kutoka kwenye mwamba kwa ajili yao;Aliupasua mwamba maji yakabubujika.”+
22 “Hakuna amani kwa waovu,”+ asema Yehova.
