Isaya 59:1-21
59 Tazama! Mkono wa Yehova si mfupi usiweze kuokoa,+Wala sikio lake si zito lisiweze kusikia.+
2 Hapana, makosa yenu wenyewe yamewatenganisha na Mungu wenu.+
Dhambi zenu zimemfanya aufiche uso wake kutoka kwenu,Naye anakataa kuwasikiliza.+
3 Kwa maana viganja vyenu vimechafuliwa kwa damu+Na vidole vyenu kwa kosa.
Midomo yenu inasema uwongo,+ na ulimi wenu unanong’ona ukosefu wa uadilifu.
4 Hakuna yeyote anayedai uadilifu utendeke,+Na hakuna anayeenda mahakamani akiwa na ukweli.
Wanatumaini mambo ambayo si halisi*+ na kusema mambo yasiyo na maana.
Wanatunga mimba ya taabu na kuzaa madhara.+
5 Wanaangua mayai ya nyoka mwenye sumu,Nao wanafuma utando wa buibui.+
Yeyote anayekula mayai yao atakufa,Na yai linalovunjwa linaangua nyoka kipiri.
6 Utando wao wa buibui hautatumika kama vazi,Wala hawatajifunika kwa wanachotengeneza.+
Kazi zao zinadhuru,Na matendo ya ukatili yamo mikononi mwao.+
7 Miguu yao hukimbilia kutenda maovu,Nao wanafanya haraka kumwaga damu isiyo na hatia.+
Mawazo yao ni mawazo yanayodhuru;Njia zao zina uharibifu na maumivu.+
8 Hawajaijua njia ya amani,Na hakuna haki katika vijia vyao.+
Wanazipotosha barabara zao;Hakuna yeyote anayetembea humo atakayejua amani.+
9 Ndiyo sababu haki iko mbali sana nasi,Na uadilifu hautufikii na kututangulia.
Tunaendelea kutumainia nuru, lakini, tazama! kuna giza;Kutumainia mwangaza, lakini tunaendelea kutembea katika utusitusi.+
10 Tunapapasa-papasa tukiutafuta ukuta kama vipofu;Tunaendelea kupapasa-papasa kama watu wasio na macho.+
Tunajikwaa wakati wa adhuhuri kama wakati wa giza la jioni;Miongoni mwa wenye nguvu sisi ni kama tu watu waliokufa.
11 Sote tunaendelea kunguruma kama dubuNa kulia kwa huzuni kama njiwa.
Tunatumaini kupata haki, lakini hakuna haki yoyote;Kupata wokovu, lakini uko mbali sana nasi.
12 Kwa maana maasi yetu ni mengi mbele zako;+Kila moja ya dhambi zetu inashuhudia dhidi yetu.+
Kwa maana maasi yetu yako pamoja nasi;Tunayajua vema makosa yetu.+
13 Tumemkosea na kumkana Yehova;Tumemgeuzia mgongo Mungu wetu.
Tumesema kuhusu ukandamizaji na maasi;+Tumetunga uwongo na kunong’ona maneno ya uwongo kutoka moyoni.+
14 Haki imerudishwa nyuma,+Na uadilifu unasimama mbali sana;+Kwa maana ukweli* umejikwaa katika kiwanja cha jiji,Na jambo la unyoofu haliwezi kuingia.
15 Ukweli* umetoweka,+Na yeyote anayeacha ubaya anaporwa.
Yehova aliona jambo hilo naye akachukizwa,*Kwa maana hakukuwa na haki.+
16 Aliona kwamba hakuna mtu,Naye akashangaa kwamba hakuna yeyote aliyeingilia kati,Basi mkono wake mwenyewe ukaleta wokovu,*Na uadilifu wake mwenyewe ukamtegemeza.
17 Kisha akavaa uadilifu kama koti la vitaNa kofia ya chuma ya wokovu* juu ya kichwa chake.+
Alivaa nguo za kisasi kama mavazi yake+Na kujifunga bidii kama koti.*
18 Atawathawabisha kulingana na matendo yao:+
Ghadhabu kwa wapinzani wake, kisasi kwa maadui wake.+
Naye atavilipa visiwa kile kinachostahili.
19 Wataliogopa jina la Yehova kuanzia magharibiNa kuanzia mashariki watauogopa utukufu wake,Kwa maana ataingia kama mto unaoenda kasi,Ambao unaendeshwa na roho ya Yehova.
20 “Mkombozi+ atakuja Sayuni,+Kwa wale wa Yakobo wanaoacha makosa yao,”+ asema Yehova.
21 “Lakini mimi, hili ndilo agano langu pamoja nao,”+ asema Yehova. “Roho yangu iliyo juu yako na maneno yangu niliyoweka kinywani mwako—hayataondolewa kutoka kinywani mwako, kutoka kinywani mwa watoto wako,* au kutoka kinywani mwa wajukuu wako,”* asema Yehova, “kuanzia sasa mpaka milele.”
