Kumbukumbu la Torati 33:1-29
33 Sasa hii ndiyo baraka ambayo Musa mtu wa Mungu wa kweli aliwatangazia Waisraeli kabla ya kifo chake.+
2 Alisema hivi:
“Yehova—alikuja kutoka Sinai,+Naye akawaangazia kutoka Seiri.
Aliangaza kwa utukufu kutoka katika eneo lenye milima la Parani,+Naye alikuwa pamoja na makumi ya maelfu ya watakatifu,+Na mashujaa wake kwenye mkono wake wa kuume.+
3 Aliwapenda watu wake;+Watakatifu wao wote wako mikononi mwako.+
Waliketi miguuni pako;+Walianza kusikiliza maneno yako.+
4 (Musa alitupatia amri, sheria,+Kuwa miliki ya kutaniko la Yakobo.)+
5 Naye akawa mfalme kule Yeshuruni,*+Viongozi wa watu walipokusanyika pamoja,+Pamoja na makabila yote ya Israeli.+
6 Rubeni na aishi wala asife,+Na watu wake wasiwe wachache.”+
7 Naye akamtangazia Yuda baraka hii:+
“Ee Yehova, isikie sauti ya Yuda,+Nawe umrudishe kwa watu wake.
Mikono yake imetetea* kilicho chake,Nawe umsaidie dhidi ya maadui wake.”+
8 Akasema hivi kumhusu Lawi:+
“Thumimu yako* na Urimu+ yako ni vya mtu aliye mshikamanifu kwako,+Uliyemjaribu kule Masa.+
Ulianza kupambana naye karibu na maji ya Meriba,+
9 Mtu aliyemwambia baba yake na mama yake, ‘Sijawaheshimu.’
Hata ndugu zake hakuwatambua,+Na watoto wake mwenyewe aliwapuuza.
Kwa maana walitii neno lako,Na kulishika agano lako.+
10 Acha wamfundishe Yakobo amri zako*+Na Waisraeli Sheria yako.+
Acha wakufukizie uvumba wenye harufu inayokupendeza*+Na dhabihu nzima ya kuteketezwa kwenye madhabahu yako.+
11 Ee Yehova, bariki nguvu zake,Na ufurahie kazi ya mikono yake.
Ivunje miguu ya* wale wanaoinuka dhidi yake,Ili wale wanaomchukia wasiinuke tena.”
12 Alisema hivi kumhusu Benjamini:+
“Mwache mpendwa wa Yehova akae kwa usalama kando yake;Akimkinga siku nzima,Atakaa katikati ya mabega yake.”
13 Alisema hivi kumhusu Yosefu:+
“Nchi yake na ibarikiwe na Yehova+Kwa vitu bora vya mbinguni,Kwa umande na maji kutoka katika chemchemi zilizo chini,+
14 Kwa vitu bora vinavyoletwa na juaNa mazao bora kila mwezi,+
15 Kwa vitu bora kabisa kutoka katika milima ya zamani*+Na vitu bora kutoka katika vilima vinavyodumu,
16 Kwa vitu bora vya dunia na vitu vinavyoijaza,+Na kwa kibali cha Yule anayekaa katika kichaka cha miiba.+
Na vije juu ya kichwa cha Yosefu,Juu ya utosi wa kichwa cha yule aliyechaguliwa kutoka kati ya ndugu zake.+
17 Fahari yake ni kama ya mzaliwa wa kwanza wa ng’ombe dume,Na pembe zake ni pembe za fahali mwitu.
Atazitumia kuyasukuma* mataifaYote pamoja mpaka miisho ya dunia.
Wao ni makumi ya maelfu ya Efraimu,+Nao ni maelfu ya Manase.”
18 Alisema hivi kumhusu Zabuloni:+
“Shangilia, Ee Zabuloni, unapotoka nje,Nawe, Isakari, katika mahema yako.+
19 Watayaita mataifa mlimani.
Huko watatoa dhabihu za uadilifu.
Kwa maana watafyonza* utajiri mwingi wa bahariNa marundo yaliyofichika* mchangani.”
20 Alisema hivi kumhusu Gadi:+
“Amebarikiwa yule anayepanua mipaka ya Gadi.+
Analala huko kama simba,Akiwa tayari kuunyafua mkono, naam, utosi wa kichwa.
21 Atajichagulia fungu la kwanza,+Kwa maana huko fungu la mpaji sheria limehifadhiwa.+
Viongozi wa watu watakusanyika pamoja.
Uadilifu wa Yehova atautekeleza,Na amri zake* pamoja na Israeli.”
22 Alisema hivi kumhusu Dani:+
“Dani ni mwanasimba.+
Ataruka kutoka Bashani.”+
23 Alisema hivi kumhusu Naftali:+
“Naftali ameshiba kibaliNaye amejaa baraka ya Yehova.
Imiliki magharibi na kusini.”
24 Alisema hivi kumhusu Asheri:+
“Asheri amebarikiwa kuwa na wana.
Na apendwe na ndugu zake,Naye achovye* miguu yake katika mafuta.
25 Makufuli ya lango lako ni chuma na shaba,+Nawe utakuwa salama siku zako zote.*
26 Hakuna aliye kama Mungu wa kweli+ wa Yeshuruni,+Anayepita mbinguni kuja kukusaidiaNa kupita juu ya mawingu katika fahari yake.+
27 Mungu ni kimbilio tangu nyakati za kale,+Mikono yake ya milele iko chini yako.+
Naye atamfukuza adui kutoka mbele yako,+Naye atasema, ‘Waangamize!’+
28 Israeli atakaa kwa usalama,Na chemchemi ya Yakobo itatengwa peke yakeKatika nchi ya nafaka na divai mpya,+Na anga lake litadondosha umande.+
29 Wewe ni mwenye furaha, Ee Israeli!+
Ni nani aliye kama wewe,+Taifa linalofurahia wokovu wa Yehova,+Ngao yenu inayowalinda+Na upanga wenu wenye fahari?
Maadui wenu watajikunyata mbele yenu,+Nanyi mtawakanyaga migongoni.”*
Maelezo ya Chini
^ Maana yake “Mnyoofu,” jina la heshima la Israeli.
^ Au “imepigania.”
^ Neno “yako” katika mstari huu linamrejelea Mungu.
^ Tnn., “maamuzi yako ya hukumu.”
^ Tnn., “inayopendeza puani mwako.”
^ Au “Vivunje viuno vya.”
^ Au labda, “milima ya mashariki.”
^ Au “kuyapiga.”
^ Tnn., “watanyonya.”
^ Au “hazina zilizofichika.”
^ Tnn., “maamuzi yake ya hukumu.”
^ Au “anawe.”
^ Tnn., “Kama zilivyo siku zako ndivyo zitakavyokuwa nguvu zako.”
^ Au labda, “mtakanyaga mahali pao pa juu.”
