Mika 2:1-13
2 “Ole wao wanaopanga njama yenye kudhuru,Wanaotunga maovu vitandani mwao!
Kunapopambazuka wanayatekeleza,Kwa sababu wana uwezo wa kuyatekeleza.+
2 Wanatamani mashamba na kuyanyakua;+Pia nyumba, na kuzichukua;Wanamlaghai mtu na kuchukua nyumba yake,+Wanachukua urithi wa mtu.
3 Kwa hiyo Yehova anasema hivi:
‘Sasa basi nakusudia kuiletea familia hii msiba+ ambao hamtaweza kuuepuka.*+
Hamtatembea tena kwa kiburi,+ kwa sababu utakuwa wakati wa msiba.+
4 Siku hiyo watu watatunga methali kuwahusu,Nao watawaombolezea kwa uchungu.+
Watasema: “Tumeangamizwa kabisa!+
Alisababisha fungu la watu wangu lichukuliwe na wengine—Lo! Amenipokonya!+
Amemgawia yule asiye mwaminifu mashamba yetu.”
5 Kwa hiyo hamtakuwa na mtu wa kunyoosha kamba ya kupimia,Wa kuigawa ardhi katika kutaniko la Yehova.
6 Wanahubiri wakisema, “Acheni kuhubiri!”
“Hawapaswi kuhubiri mambo haya;Hatutapatwa na aibu!”
7 Je, inasemwa, Ee nyumba ya Yakobo, kwamba“Roho ya Yehova imekosa subira?
Je, haya ndiyo matendo yake?”
Je, maneno yangu mwenyewe hayawanufaishi wale wanaotembea kwa unyoofu?
8 Lakini hivi karibuni watu wangu mwenyewe wameinuka kama adui.
Mnalivua hadharani pambo la kifahari pamoja na* vaziKutoka kwa watu wanaopita bila wasiwasi, kama watu wanaorudi kutoka vitani.
9 Mnawafukuza wanawake wa watu wangu kutoka katika nyumba zao zenye kupendeza;Mnaondoa fahari yangu milele kutoka kwa watoto wao.
10 Inukeni mwende zenu, kwa sababu hapa si mahali pa kupumzika.
Kwa sababu ya uchafu,+ kuna maangamizi, maangamizi makubwa.+
11 Mtu akifuata upepo na udanganyifu na kusema uwongo huu:
“Nitawahubiria kuhusu divai na pombe,”
Basi atakuwa mhubiri anayewafaa kabisa watu hawa!+
12 Kwa hakika nitawakusanya ninyi nyote, enyi watu wa Yakobo;Kwa kweli nitawakusanya pamoja wale wanaobaki wa Israeli.+
Kwa umoja nitawaweka kama kondoo zizini,Kama kundi la kondoo katika malisho yake;+Litakuwa na kelele za watu.’+
13 Yule anayevunja lango na kutoka atawatangulia;Nao watavunja lango na kupitia langoni kwenda nje.+
Mfalme wao atapitia humo akiwatangulia,Huku Yehova akiwaongoza.”+
