Yeremia 30:1-24
-
Ahadi za kurudishwa na kuponywa (1-24)
30 Neno hili lilimjia Yeremia kutoka kwa Yehova, likisema:
2 “Yehova Mungu wa Israeli anasema hivi: ‘Andika katika kitabu maneno yote ninayokuambia.
3 Kwa maana “tazama! siku zinakuja,” asema Yehova, “nitakapowakusanya watu wangu waliotekwa, Israeli na Yuda,”+ asema Yehova, “nami nitawarudisha katika nchi niliyowapa mababu zao, nao wataimiliki tena.”’”+
4 Haya ndiyo maneno ambayo Yehova aliwaambia watu wa Israeli na Yuda.
5 Yehova anasema hivi:
“Tumesikia sauti za kutetemeka;Kuna hofu, na hakuna amani.
6 Ulizeni, tafadhali, ikiwa mwanamume anaweza kujifungua mtoto.
Hivyo basi, kwa nini ninamwona kila mwanamume mwenye nguvu akishika tumbo lake*Kama mwanamke anayejifungua?+
Kwa nini kila uso umegeuka rangi?
7 Ole wangu! Kwa maana siku hiyo inatisha sana.*+
Hakuna nyingine kama hiyo,Wakati wa taabu kwa Yakobo.
Lakini ataokolewa kutokana nayo.”
8 “Na siku hiyo,” asema Yehova wa majeshi, “nitaivunja nira kutoka shingoni mwako, na mikanda yako nitaikata* vipande viwili; na wageni* hawatamfanya* tena kuwa mtumwa wao.
9 Watamtumikia Yehova Mungu wao na Daudi mfalme wao, ambaye nitamweka juu yao.”+
10 “Nawe, mtumishi wangu Yakobo, usiogope,” asema Yehova,“Wala usihofu, Ee Israeli.+
Kwa maana nitakuokoa kutoka mbaliNa uzao wako kutoka katika nchi waliyopelekwa utekwani.+
Yakobo atarudi na kuwa na utulivu bila usumbufu,Na hakuna yeyote atakayewaogopesha.”+
11 “Kwa maana mimi niko pamoja nawe,” asema Yehova, “ili nikuokoe.
Lakini nitaleta maangamizi katika mataifa yote ambako nilikutawanya;+Lakini wewe, sitakuangamiza.+
Nitakutia nidhamu* kwa kiwango kinachofaa,Nami sitakuacha kamwe bila kukuadhibu.”+
12 Kwa maana Yehova anasema hivi:
“Hakuna matibabu kwa ajili ya jeraha lako.*+
Kidonda chako hakiwezi kupona.
13 Hakuna mtu wa kukutetea,Hakuna njia ya kukiponya kidonda chako.
Hakuna dawa ya kukuponya.
14 Wapenzi wako wote wamekusahau.+
Hawakutafuti tena.
Kwa maana nimekupiga kwa pigo la adui,+Kwa adhabu ya mtu mkatili,Kwa sababu ya hatia yako kubwa na dhambi zako nyingi.+
15 Kwa nini unapaza kilio kwa sababu ya jeraha lako?*
Maumivu yako hayawezi kupona!
Kwa sababu ya hatia yako kubwa na dhambi zako nyingi+Nimekutendea hivyo.
16 Kwa hiyo wale wote wanaokumeza, watamezwa,+Na maadui wako wote watapelekwa pia utekwani.+
Wale wanaokupora wataporwa,Nami nitawatia mikononi mwa waporaji wale wote wanaokupora.”+
17 “Lakini nitakurudishia afya yako na kuyaponya majeraha yako,”+ asema Yehova,“Ingawa walikuita mtu aliyetengwa:
‘Sayuni, asiyetafutwa na yeyote.’”+
18 Yehova anasema hivi:
“Ninawakusanya mateka wa mahema ya Yakobo,+Nami nitayahurumia makao yake.
Jiji litajengwa upya juu ya kilima chake,+Na mnara wenye ngome utasimama mahali pake panapofaa.
19 Na kutoka kwao kutakuwa na shukrani na sauti za kicheko.+
Nitawazidisha, nao hawatakuwa wachache;+Nitawafanya kuwa wengi,*Nao hawatakuwa duni.+
20 Wanawe watakuwa kama walivyokuwa zamani,Na kusanyiko lake litaimarishwa kabisa mbele zangu.+
Nitakabiliana na wote wanaomkandamiza.+
21 Mtu wake mashuhuri atatoka kati yake,Na mtawala wake atatoka kati yake.
Nitamfanya akaribie, naye atanikaribia.”
“La sivyo, ni nani anayeweza kuthubutu kunikaribia?”* asema Yehova.
22 “Nanyi mtakuwa watu wangu,+ nami nitakuwa Mungu wenu.”+
23 Tazameni! Dhoruba ya Yehova ya upepo italipuka kwa ghadhabu,+Tufani inayofagia ambayo inazunguka ikishuka juu ya kichwa cha waovu.
24 Hasira inayowaka ya Yehova haitapoaMpaka atakapotekeleza na kutimiza makusudi ya moyo wake.+
Mtaelewa jambo hilo katika siku za mwisho.+
Maelezo ya Chini
^ Au “kiuno chake.”
^ Tnn., “ni kuu.”
^ Tnn., “pingu zako nitazikata.”
^ Au “wageni kutoka nchi nyingine.”
^ Au “hawatawafanya.”
^ Au “Nitakurekebisha.”
^ Au “jeraha lako la kuvunjika.”
^ Au “jeraha lako la kuvunjika.”
^ Au labda, “waheshimiwe.”
^ Tnn., “kutoa moyo wake kuwa rehani ili anikaribie?”
