Yona 2:1-10
2 Ndipo Yona akiwa ndani ya tumbo la samaki akasali kwa Yehova Mungu wake,+
2 na kusema:
“Katika taabu yangu nilimlilia Yehova, naye akanijibu.+
Nikiwa ndani ya* Kaburi* nilililia msaada.+
Uliisikia sauti yangu.
3 Uliponitupa katika vilindi, katikati ya* bahari,Ndipo mikondo ya maji ikanifunika.+
Mawimbi yako yote makubwa na yale yanayoishia ufuoni yakanifunika.+
4 Nami nikasema, ‘Nimefukuzwa kutoka mbele za macho yako!
Nitalikaziaje macho tena hekalu lako takatifu?’
5 Maji yalinifunika na kuhatarisha uhai wangu;*+Kilindi cha maji kilinizunguka.
Kichwa changu kilisokotwa na magugu maji.
6 Nilizama sehemu za chini za milima.
Milango ya dunia ilikuwa ikija kunifungia milele.
Lakini uliutoa uhai wangu shimoni, Ee Yehova Mungu wangu.+
7 Uhai wangu ulipokuwa ukitoka polepole, Yehova Ndiye niliyemkumbuka.+
Ndipo sala yangu ikakufikia, ndani ya hekalu lako takatifu.+
8 Wale wanaoabudu sanamu ambazo ni ubatili huacha chanzo chao cha upendo mshikamanifu.*
9 Lakini mimi, kwa sauti ya shukrani nitakutolea dhabihu.
Nadhiri nilizoweka, nitazitimiza.+
Wokovu unatoka kwa Yehova.”+
10 Baadaye Yehova akamwamuru huyo samaki, naye akamtapika Yona kwenye nchi kavu.
