Zaburi 109:1-31
Kwa kiongozi. Muziki wa Daudi.
109 Ee Mungu ninayekusifu,+ usinyamaze.
2 Kwa maana waovu na wadanganyifu hufumbua vinywa vyao dhidi yangu.
Wanaongea kunihusu kwa ndimi za uwongo;+
3 Wananizingira kwa maneno ya chuki,Na kunishambulia bila sababu.+
4 Wananipinga licha ya kwamba ninawapenda;+Lakini ninaendelea kusali.
5 Wananilipa uovu kwa mema niliyotenda+Na chuki kwa upendo wangu.+
6 Mweke mtu mwovu amhukumu;Mpinzani* na asimame mkono wake wa kulia.
7 Anapohukumiwa, na apatikane kuwa na hatia;*Hata sala yake ihesabiwe kuwa dhambi.+
8 Siku zake na ziwe chache;+Mtu mwingine na achukue cheo chake cha uangalizi.+
9 Watoto wake* na wawe mayatima,Na mke wake awe mjane.
10 Watoto wake* na watangetange wakiombaomba,Wakitafuta chakula katika nyumba zao zilizoharibiwa.
11 Anayemdai na achukue kwa nguvu* vitu vyote alivyo navyo,Wageni na wapore mali zake.
12 Asiwepo mtu yeyote wa kumtendea kwa fadhili,*Na asiwepo mtu yeyote wa kuwahurumia watoto wake mayatima.
13 Wazao wake na waangamizwe;*+Jina lao na lifutwe katika kizazi kilekile.
14 Kosa la mababu zake na likumbukwe na Yehova,+Na dhambi ya mama yake isifutwe.
15 Yehova na akumbuke daima waliyotenda;Na afutilie mbali kumbukumbu lao kutoka duniani.+
16 Kwa maana hakukumbuka kutenda kwa fadhili,*+Bali aliendelea kumfuatia mtu aliyekandamizwa,+ maskini, na aliyevunjika moyoIli amuue.+
17 Alipenda kulaani, kwa hiyo laana hiyo ikampata;Hakupenda kubariki, kwa hiyo hakupata baraka yoyote.
18 Alivishwa laana kama vazi lake.
Nazo zikamwagwa mwilini mwake kama maji,Mifupani mwake kama mafuta.
19 Laana zake na ziwe kama vazi analojifunika+Na kama mshipi anaovaa daima.
20 Hayo ndiyo malipo yanayotoka kwa Yehova ya mtu anayenipinga+Na ya wale wanaosema mambo maovu dhidi yangu.
21 Lakini wewe, Yehova Bwana Mwenye Enzi Kuu,Tenda kwa niaba yangu kwa ajili ya jina lako.+
Niokoe, kwa sababu upendo wako mshikamanifu ni mwema.+
22 Kwa maana sina uwezo, nami ni maskini,+Na moyo wangu umechomwa ndani yangu.+
23 Ninapitilia mbali kama kivuli kinachofifia;Nimekung’utwa kama nzige.
24 Magoti yangu yanalegea kwa sababu ya kufunga;Mwili wangu umekonda, unazidi kupungua.*
25 Nimekuwa kitu cha kudhihakiwa nao.+
Wanaponiona, wanatikisa vichwa vyao.+
26 Nisaidie, Ee Yehova Mungu wangu;Niokoe kwa upendo wako mshikamanifu.
27 Na wajue kwamba mkono wako ndio uliotenda hili;Kwamba wewe, Ee Yehova, umetenda hili.
28 Waache watangaze laana, lakini wewe toa baraka.
Na waaibishwe wanapoinuka dhidi yangu,Lakini acha mtumishi wako ashangilie.
29 Wale wanaonipinga na wavishwe aibu;Na wafunikwe na aibu yao kama joho.*+
30 Kinywa changu kitamsifu Yehova kwa bidii;Nitamsifu yeye mbele ya watu wengi.+
31 Kwa maana atasimama mkono wa kulia wa maskiniIli amwokoe kutoka kwa wale wanaomhukumu.
Maelezo ya Chini
^ Au “Mshtaki.”
^ Au “mwovu.”
^ Tnn., “Wanawe.”
^ Au “Wanawe.”
^ Au “Wala riba na waviwekee mitego.”
^ Au “upendo mshikamanifu.”
^ Au “Kizazi chake kijacho na kiangamizwe.”
^ Au “upendo mshikamanifu.”
^ Tnn., “Mwili wangu umekuwa mwembamba, hauna mafuta.”
^ Au “joho lisilo na mikono.”
