Zaburi 11:1-7

Onyesha Kama Maandishi Ficha Aina ya Maandishi

  • Kumkimbilia Yehova

    • “Yehova yumo katika hekalu lake takatifu” (4)

    • Mungu humchukia yeyote anayependa ukatili (5)

Kwa kiongozi. Wa Daudi. 11  Nimemkimbilia Yehova.+ Basi mnawezaje kuniambia:* “Kimbilia kwenye mlima wako kama ndege!  2  Tazama jinsi waovu wanavyoukunja upinde;Huutia mshale wao kwenye kamba ya upinde,Ili wawapige kutoka gizani wale walio wanyoofu moyoni.  3  Misingi* inapobomolewa,Mtu mwadilifu anaweza kufanya nini?”  4  Yehova yumo katika hekalu lake takatifu.+ Kiti cha ufalme cha Yehova kiko mbinguni.+ Macho yake mwenyewe yanatazama, macho yake yaliyo makini* yanawachunguza wanadamu.+  5  Yehova humchunguza mwadilifu na pia mwovu;+Humchukia* mtu yeyote anayependa ukatili.+  6  Atawanyeshea waovu mitego;*Moto na kiberiti+ na upepo unaounguza vitakuwa fungu la kikombe chao.  7  Kwa maana Yehova ni mwadilifu;+ yeye hupenda matendo ya uadilifu.+ Wanyoofu watauona uso wake.*+

Maelezo ya Chini

^ Au “kuiambia nafsi yangu.”
^ Au “Misingi ya haki.”
^ Au “yanayong’aa.”
^ Au “Nafsi yake inamchukia; Yeye binafsi anamchukia.”
^ Au labda, “makaa ya mawe yanayowaka.”
^ Au “watajionea kibali chake.”
BIBLIA TAKATIFU—TAFSIRI YA ULIMWENGU MPYA (TOLEO LA 2017)
Zaburi 11
Lugha ya Alama ya Tanzania
Isome Biblia Kwenye Mtandao
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt 40