Zaburi 139:1-24
Kwa kiongozi. Muziki wa Daudi.
139 Ee Yehova, umenichunguza kabisa, nawe unanijua.+
2 Unajua wakati ninapoketi na wakati ninaposimama.+
Unatambua mawazo yangu kutoka mbali.+
3 Unanichunguza* ninaposafiri na ninapolala;Unazijua njia zangu zote.+
4 Kabla sijatamka neno lolote kwa ulimi wangu,Tazama! Ee Yehova, tayari unalijua vizuri.+
5 Unanizingira nyuma na mbele;Nawe unauweka mkono wako juu yangu.
6 Ujuzi huo unazidi ufahamu wangu.*
Uko juu sana nisiweze kuufikia.*+
7 Ninaweza kujificha wapi mbali na roho yako,Na ni wapi ninapoweza kukimbia mbali na uso wako?+
8 Kama ningepanda mbinguni, ungekuwa huko,Na kama ningetandika kitanda changu Kaburini,* tazama! ungekuwa huko.+
9 Kama ningeruka kwa mabawa ya mapambazukoIli niishi kando ya bahari iliyo mbali zaidi,
10 Hata huko mkono wako ungeniongozaNa mkono wako wa kuume ungenishika.+
11 Nikisema: “Hakika giza litanificha!”
Basi usiku unaonizunguka utakuwa nuru.
12 Hata giza halitakuwa zito mno kwako,Lakini usiku utakuwa mwangavu kama mchana;+Kwako giza ni sawa na nuru.+
13 Kwa maana uliziumba figo zangu;Ulinisitiri* katika tumbo la mama yangu.+
14 Ninakusifu kwa sababu nimeumbwa kwa njia inayoogopesha na kustaajabisha.+
Kazi zako zinastaajabisha,+Ninajua* vizuri sana jambo hilo.
15 Mifupa yangu haikufichwa kwakoNilipoumbwa sirini,Nilipofumwa katika sehemu zenye kina za dunia.+
16 Macho yako hata yaliniona nikiwa kiinitete;Sehemu zake zote ziliandikwa katika kitabu chakoKuhusiana na siku ambazo zingeumbwa,Kabla sehemu yoyote haijakuwepo.
17 Kwa hiyo kwangu mimi, mawazo yako ni yenye thamani sana!+
Ee Mungu, jinsi jumla yake ilivyo kubwa sana!+
18 Nikijaribu kuyahesabu, ni mengi kuliko chembe za mchanga.+
Nikiamka, bado nipo pamoja nawe.*+
19 Ee Mungu, laiti ungewaua waovu!+
Ndipo watu wakatili* wangeniondokea,
20 Wale wanaosema mambo mabaya kukuhusu kwa nia ovu;*Wao ni maadui wako wanaolitumia jina lako kwa njia isiyofaa.+
21 Je, siwachukii wale wanaokuchukia wewe, Ee Yehova,+Na kuwachukia kabisa wale wanaokuasi?+
22 Ninawachukia kwelikweli;+Hakika wamekuwa maadui wangu.
23 Nichunguze kabisa, Ee Mungu, uujue moyo wangu.+
Nipime, uyajue mawazo yangu yanayonihangaisha.*+
24 Angalia ikiwa kuna njia yoyote yenye madhara ndani yangu,+Uniongoze+ katika njia ya milele.
