Zaburi 51:1-19
Kwa kiongozi. Muziki wa Daudi, nabii Nathani alipokuja kwake baada ya Daudi kulala na Bath-sheba.+
51 Ee Mungu, nionyeshe kibali kulingana na upendo wako mshikamanifu.+
Yafute kabisa makosa yangu kulingana na rehema zako nyingi.+
2 Nioshe kabisa kutoka katika kosa langu,+Na unisafishe kutoka katika dhambi yangu.+
3 Kwa maana ninajua vizuri makosa yangu,Na dhambi yangu iko mbele yangu* daima.+
4 Dhidi yako wewe—wewe zaidi ya wote*—nimetenda dhambi;+Nimetenda yaliyo mabaya machoni pako.+
Kwa hiyo, wewe ni mwadilifu unapoongea,Wewe ni mwenye haki katika hukumu yako.+
5 Tazama! Nilizaliwa nikiwa na hatia ya kosa,Na mama yangu alinichukua mimba katika dhambi.*+
6 Tazama! Unapendezwa na ukweli katika utu wa ndani;+Ufundishe utu wangu wa ndani kabisa* hekima ya kweli.
7 Nisafishe kutoka katika dhambi yangu kwa hisopo, ili niwe safi;+Nioshe, ili niwe mweupe kuliko theluji.+
8 Acha nisikie sauti za shangwe na furaha,Ili mifupa uliyoiponda ishangilie.+
9 Ugeuze uso wako* mbali na dhambi zangu,+Na uyafutilie mbali* makosa yangu yote.+
10 Umba moyo safi ndani yangu, Ee Mungu,+Na uweke roho mpya ndani yangu,+ iliyo imara.
11 Usinitupe kutoka mbele zako;*Wala usiniondolee roho yako takatifu.
12 Nirudishie shangwe ya wokovu wako;+Chochea ndani yangu utayari wa kukutii.*
13 Nitawafundisha wakosaji njia zako,+Ili watenda dhambi wakurudie.
14 Niokoe kutoka katika hatia ya damu,+ Ee Mungu, Mungu wa wokovu wangu,+Ili ulimi wangu utangaze uadilifu wako kwa shangwe.+
15 Ee Yehova, ifungue midomo yangu,Ili kinywa changu kitangaze sifa yako.+
16 Kwa maana hutaki dhabihu—la sivyo ningeitoa;+Hupendezwi na dhabihu nzima ya kuteketezwa.+
17 Dhabihu zinazompendeza Mungu ni roho iliyovunjika;Moyo uliovunjika na kupondeka, Ee Mungu, hutaukataa.*+
18 Kwa nia yako njema litendee jiji la Sayuni jambo jema;Zijenge kuta za Yerusalemu.
19 Ndipo utakapopendezwa na dhabihu za uadilifu,Dhabihu za kuteketezwa na matoleo mazima;Kisha ng’ombe dume watatolewa kwenye madhabahu yako.+
Maelezo ya Chini
^ Au “akilini mwangu.”
^ Tnn., “wewe peke yako.”
^ Au “Na nilikuwa na dhambi tangu mama yangu aliponichukua mimba.”
^ Au “utu wangu wa sirini.”
^ Au “Ufiche uso wako.”
^ Au “uyafute kabisa.”
^ Tnn., “mbele za uwepo wako.”
^ Tnn., “Nitegemeze kwa kunipa roho ya utayari.”
^ Au “hutaudharau.”
