Zaburi 56:1-13
Kwa kiongozi; umepatanishwa na mtindo wa “Njiwa Mnyamavu Aliye Mbali.” Wa Daudi. Miktamu.* Wafilisti walipomkamata kule Gathi.+
56 Nionyeshe kibali, Ee Mungu, kwa sababu mwanadamu anayeweza kufa ananishambulia.*
Mchana kutwa wanaendelea kunipiga vita na kunikandamiza.
2 Maadui wangu wanajaribu mchana kutwa kuning’ata;Wengi wanapigana nami kwa kiburi.
3 Ninapoogopa,+ ninakutumaini wewe.+
4 Katika Mungu—ninayelisifu neno lake—Katika Mungu ninaweka tumaini langu; siogopi.
Mwanadamu ambaye ni duni tu atanifanya* nini?+
5 Mchana kutwa wanavuruga mambo yangu;Jambo pekee wanalowazia ni kunidhuru.+
6 Wanajificha ili wanishambulie,Wanachunguza kila hatua yangu,+Wakikusudia kuuondoa uhai wangu.+
7 Wakatae kwa sababu ya uovu wao.
Yaangushe mataifa kwa hasira yako, Ee Mungu.+
8 Unafuatia kutangatanga kwangu.+
Yakusanye machozi yangu katika kiriba chako cha ngozi.+
Je, hayajaandikwa katika kitabu chako?+
9 Maadui wangu watakimbia siku nitakayoomba msaada.+
Nina hakika kuhusu jambo hili: Mungu yuko upande wangu.+
10 Katika Mungu—ninayelisifu neno lake—Katika Yehova—ninayelisifu neno lake—
11 Katika Mungu ninaweka tumaini langu; siogopi.+
Mwanadamu ambaye ni duni tu atanifanya nini?+
12 Nimefungwa na nadhiri nilizokuwekea, Ee Mungu;+Nitakutolea matoleo ya shukrani.+
13 Kwa maana umeniokoa kutoka katika kifo+Na kuizuia miguu yangu isijikwae,+Ili nitembee mbele za Mungu katika nuru ya walio hai.+
