Zaburi 58:1-11
-
Kuna Mungu anayeihukumu dunia
-
Sala ya kuomba waovu waadhibiwe (6-8)
-
Kwa kiongozi; umepatanishwa na mtindo wa “Usiharibu.” Wa Daudi. Miktamu.*
58 Je, mnaweza kuzungumza kuhusu uadilifu wakati mmenyamaza?+
Je, mnaweza kuhukumu kwa unyoofu, enyi wanadamu?+
2 Badala yake, mnatunga uovu moyoni mwenu,+Na mikono yenu inatawanya ukatili nchini.+
3 Waovu wanakengeuka* tangu kuzaliwa;Ni wakaidi, waongo tangu wanapozaliwa.
4 Sumu yao ni kama sumu ya nyoka;+Wao ni viziwi kama swila anayeziba sikio lake.
5 Hataisikiliza sauti ya wanaomchezesha,Hata wafanye uchawi kwa ustadi kadiri gani.
6 Ee Mungu, yavunje meno yao vinywani mwao!
Yavunje mataya ya hawa simba,* Ee Yehova!
7 Na watoweke kama maji yanayotiririka na kwenda zake.
Mungu na aukunje upinde wake na kuwaangusha kwa mishale yake.
8 Na wawe kama konokono anayeyeyuka anapotembea;Kama mtoto anayefia tumboni mwa mwanamke, mtoto asiyeona jua kamwe.
9 Kabla vyungu vyenu vya kupikia havijapata moto wa kuni za mkwamba,Atazifagilia mbali kuni zenye unyevu na zinazowaka moto, kama kwa kimbunga.+
10 Mwadilifu atashangilia kwa sababu ameona kisasi;+Miguu yake italowa damu ya waovu.+
11 Kisha watu watasema: “Kwa hakika kuna thawabu kwa ajili ya mwadilifu.+
Kwa hakika kuna Mungu anayehukumu duniani.”+
