Zaburi 59:1-17
Kwa kiongozi; umepatanishwa na mtindo wa “Usiharibu.” Wa Daudi. Miktamu.* Sauli alipowatuma watu waichunguze nyumba ya Daudi* ili wamuue.+
59 Niokoe kutoka kwa maadui wangu, Ee Mungu wangu;+Nilinde kutoka kwa wale wanaoinuka dhidi yangu.+
2 Niokoe kutoka kwa wale wanaotenda uovu,Na uniokoe kutoka kwa watu wakatili.*
3 Tazama! Wananivizia;+Wanaume wenye nguvu wananishambuliaLakini si kwa sababu nimeasi au kutenda dhambi,+ Ee Yehova.
4 Ingawa sikutenda kosa lolote, wanakimbia na kujitayarisha kunishambulia.
Inuka ninapokuita, uone.
5 Kwa maana wewe, Ee Yehova Mungu wa majeshi, ni Mungu wa Israeli.+
Amka uyakazie uangalifu mataifa yote.
Usiwaonyeshe rehema wasaliti wowote wenye nia ya kudhuru.+ (Sela)
6 Wanarudi kila jioni;+Wanabweka* kama mbwa+ na kuzungukazunguka jijini.+
7 Tazama kinachomwagika* kutoka katika kinywa chao;Midomo yao ni kama panga,+Kwa maana wanauliza: “Ni nani anayesikiliza?”+
8 Lakini wewe, Ee Yehova, utawacheka;+Utayadhihaki mataifa yote.+
9 Ee Nguvu zangu, nitaendelea kukutarajia;+Kwa maana Mungu ni kimbilio langu salama.*+
10 Mungu anayenitendea kwa upendo mshikamanifu atanisaidia;+Mungu ataniwezesha niwatazame maadui wangu wakishindwa.+
11 Usiwaue, ili watu wangu wasisahau.
Kwa nguvu zako wafanye watangetange;Waangushe, Ee Yehova, ngao yetu.+
12 Kwa sababu ya dhambi ya kinywa chao, neno la midomo yao,Kiburi chao na kiwanase,+Kwa sababu ya matusi na udanganyifu wanaosema.
13 Waangamize kwa hasira yako kali;+Waangamize kabisa, ili wasiwepo tena;Wafanye wajue kwamba Mungu anatawala katika Yakobo na mpaka kwenye miisho ya dunia.+ (Sela)
14 Acha warudi jioni;Acha wabweke* kama mbwa na kuzungukazunguka jijini.+
15 Acha watangetange wakitafuta chakula;+Usiwaruhusu washibe au kupata makao.
16 Lakini mimi, nitaimba kuhusu nguvu zako;+Asubuhi nitatangaza kwa shangwe kuhusu upendo wako mshikamanifu.
Kwa maana wewe ni kimbilio langu salama+Na mahali pangu pa kukimbilia wakati wa taabu.+
17 Ee Nguvu zangu, nitakuimbia sifa,*+Kwa maana wewe Mungu ni kimbilio langu salama, Mungu unayenitendea kwa upendo mshikamanifu.+
