Zaburi 6:1-10
Kwa kiongozi; uimbwe kwa vinanda vilivyopatanishwa na sauti ya Sheminithi.* Muziki wa Daudi.
6 Ee Yehova, usinikaripie katika hasira yako,Na usinirekebishe katika ghadhabu yako.+
2 Nionyeshe kibali,* Ee Yehova, kwa maana ninadhoofika.
Niponye, Ee Yehova,+ kwa maana mifupa yangu inatetemeka.
3 Naam, ninasumbuka* sana,+Nami nakuuliza, Ee Yehova—nitasumbuka mpaka lini?+
4 Rudi, Ee Yehova, uniokoe;*+Niokoe kwa ajili ya upendo wako mshikamanifu.+
5 Kwa maana waliokufa hawakutaji;*Katika kaburi,* ni nani atakayekusifu?+
6 Nimechoka kwa sababu ya kulia kwa uchungu;+Usiku kucha ninakilowesha kitanda changu kwa machozi;*Kochi langu nalifanya lifurike kwa machozi.+
7 Jicho langu limedhoofika kwa sababu ya huzuni yangu;+Limeingia giza* kwa sababu ya wote wanaoninyanyasa.
8 Niondokeeni, ninyi nyote mnaotenda maovu,Kwa maana Yehova atasikia sauti ya kilio changu.+
9 Yehova atasikia ombi langu la kutaka kibali;+Yehova ataikubali sala yangu.
10 Maadui wangu wote wataaibishwa na kutamaushwa;Watarudi nyuma ghafla kwa aibu.+
