SOMO LA 55
Unga Mkono Kutaniko Lenu
Ulimwenguni pote, mamilioni ya watu wanamwabudu Yehova kwa shangwe katika maelfu ya makutaniko. Wanafurahi kupokea maagizo na mwongozo, na wanaunga mkono kutaniko kwa bidii katika njia nyingi. Je, unahisi hivyo kuhusu kutaniko lenu?
1. Unawezaje kutumia muda na nguvu zako kuunga mkono kutaniko?
Sisi sote tunaweza kuunga mkono kutaniko. Kwa mfano, je, katika kutaniko lenu kuna watu wenye umri mkubwa au wenye matatizo ya afya? Je, unaweza kuwasaidia kufika kwenye mikutano? Au je, unaweza kuwasaidia kwa njia nyingine, kama vile kufanya ununuzi au kazi za nyumbani? (Soma Yakobo 1:27.) Pia, tunaweza kujitolea kusafisha na kudumisha Jumba letu la Ufalme. Hakuna mtu anayetulazimisha kufanya mambo hayo. Kumpenda Mungu na ndugu zetu hutuchochea ‘kujitoa wenyewe kwa hiari.’—Zaburi 110:3.
Mashahidi waliobatizwa wanaweza kuunga mkono kutaniko kwa njia nyingine. Akina ndugu wenye sifa za kustahili wanaweza kutumikia wakiwa watumishi wa huduma, na baadaye wakiwa wazee. Akina ndugu na dada wanaweza kuunga mkono kwa bidii kazi ya kuhubiri kwa kutumikia wakiwa mapainia. Baadhi ya Mashahidi wanaweza kusaidia katika ujenzi wa majengo ya ibada au kuhamia katika kutaniko linalohitaji msaada kwa njia nyingine.
2. Tunawezaje kutumia pesa na mali zetu kuunga mkono kutaniko?
Tunaweza ‘kumheshimu Yehova kwa vitu vyetu vyenye thamani.’ (Methali 3:9) Tunafurahi kuwa na pendeleo la kutoa michango ya pesa na mali nyingine ili kuunga mkono kutaniko letu na kazi ya kuhubiri ulimwenguni pote. (Soma 2 Wakorintho 9:7.) Michango yetu hutumiwa pia kutoa msaada wakati wa misiba. Wengi huamua “kuweka kando kitu fulani” kwa ukawaida ili kutoa mchango. (Soma 1 Wakorintho 16:2.) Tunaweza kuweka michango yetu katika masanduku ya michango yaliyo kwenye sehemu zetu za ibada au mtandaoni kupitia donate.pr418.com. Yehova anatupatia nafasi ya kuonyesha kwamba tunampenda kupitia jinsi tunavyoamua kutumia mali zetu.
CHIMBA ZAIDI
Chunguza baadhi ya njia unazoweza kuunga mkono kutaniko.
3. Tunaweza kutumia mali zetu
Yehova na Yesu wanawapenda watu wanaotoa kwa uchangamfu. Kwa mfano, Yesu alimsifu mjane maskini ambaye alitoa mchango mdogo sana. Soma Luka 21:1-4, kisha mzungumzie maswali haya:
-
Je, tunahitaji kutoa mchango wa pesa nyingi ili kumfurahisha Yehova?
-
Yehova na Yesu wanahisije tunapotoa michango kwa hiari?
Ili ujifunze jinsi michango yetu inavyotumiwa, Onyesha VIDEO. Kisha mzungumzie swali linalofuata.
-
Michango hutumiwaje kutegemeza makutaniko ulimwenguni pote?
4. Tunaweza kujitolea kusaidia
Katika nyakati za Biblia, waabudu wa Yehova walifanya kazi kwa bidii ili kudumisha sehemu zao za ibada. Lakini hilo lilihusisha mengi zaidi ya kutoa mchango wa pesa. Soma 2 Mambo ya Nyakati 34:9-11, kisha mzungumzie swali hili:
-
Kila Mwisraeli alisaidiaje kutunza nyumba ya Yehova, au mahali pa ibada?
Ili uone jinsi Mashahidi wa Yehova wanavyoiga mfano huo, onyesha VIDEO. Kisha mzungumzie maswali yanayofuata.
-
Kwa nini ni muhimu kudumisha Jumba letu la Ufalme likiwa safi na katika hali nzuri?
-
Unaweza kusaidia katika njia gani?
5. Akina ndugu wanaweza kujitahidi kufikia mapendeleo zaidi
Maandiko yanawatia moyo wanaume Wakristo wajitahidi kufanya mengi zaidi ili kuunga mkono kutaniko. Ili uone mfano, onyesha VIDEO. Kisha ujibu swali linalofuata.
-
Katika video hiyo, Ryan alifanya jitihada gani ili kuunga mkono kutaniko kikamili zaidi?
Biblia inataja sifa ambazo akina ndugu wanahitaji ili wastahili kutumikia wakiwa watumishi wa huduma au wazee. Soma 1 Timotheo 3:1-13, kisha mzungumzie maswali haya:
-
Akina ndugu wanaotamani kutumikia wakiwa watumishi wa huduma na wazee wanapaswa kuwa na sifa gani?
-
Familia zao zinapaswa kuwa na sifa gani?—Ona mstari wa 4 na 11.
-
Akina ndugu wanapojitahidi kutimiza sifa hizo, kila mmoja katika kutaniko hunufaikaje?
HUENDA MTU AKAULIZA: “Mashahidi wa Yehova wanapata wapi pesa za kuendeleza kazi yao?”
-
Wewe ungejibuje?
MUHTASARI
Yehova anathamini sana jitihada zetu za kuunga mkono kutaniko kupitia muda, nguvu, na mali zetu.
Ungejibuje?
-
Tunawezaje kutumia muda na nguvu zetu kuunga mkono kutaniko?
-
Tunawezaje kutumia mali zetu kuunga mkono kutaniko?
-
Ungependa kuunga mkono kutaniko kupitia njia gani?
CHUNGUZA ZAIDI
Chunguza kwa nini leo Mungu hajawawekea waabudu wake sheria ya kutoa sehemu ya kumi.
“Biblia Inasema Nini Kuhusu Kutoa Fungu la Kumi?” (Makala iliyo kwenye mtandao)
Jifunze maana ya ‘kujitahidi kufikia mapendeleo’ kutanikoni.
“Je, ‘Unajitahidi Kufikia’ Mapendeleo?” (Mnara wa Mlinzi, Septemba 15, 2014)
Ona baadhi ya Mashahidi wenye ujasiri wanaojidhabihu sana ili kuwapelekea waabudu wenzao machapisho.
Ona jinsi kazi yetu inavyotegemezwa kifedha kwa njia tofauti sana na mashirika mengine ya kidini.
“Kazi ya Mashahidi wa Yehova Inagharimiwaje?” (Makala iliyo kwenye mtandao)
