¿Yabal yakʼ ta naʼel te albilkʼopetik ay ta Biblia te jaʼ Mesías te Jesuse?
Te sujtib ya yakʼ te Biblia
Yak. Te kʼalal xtaluk ta Balumilal te Jesús la skʼotes ta pasel bayal albilkʼopetik ta swenta te Mesías te «Principal», jaʼ te machʼa ya xkʼot ta «Jkoltaywanej yuʼun te balumilale» (Daniel 9:25; 1 Juan 4:14). Jaʼnix jich te kʼalal lajemix-a te Jesús la skʼotes ta pasel bayal albilkʼopetik ta swenta te Mesías (Salmo 110:1; Hechos 2:34-36).
¿Bin ya skʼan ya yal te biilil «Mesías»?
Te biilil ta hebreo Maschíaj (Mesías) sok te biilil ta griego Kjristós (Cristo) ya skʼan ya yal «Tsabil». Jich yuʼun te biilil Jesucristo ya skʼan ya yal «Jesús te Tsabil» o «Jesús te Mesías».
Ta namey kʼinal te kʼalal ay machʼa ya yichʼ tsael yuʼun ya yichʼ mukʼ yaʼtel ya yichʼ malbeyel aceite ta sjol (Levítico 8:12; 1 Samuel 16:13). Te Dios la stsa te Jesús yuʼun ya xkʼot ta Mesías jaʼ te machʼa mukʼ yaʼtel ya xkʼot (Hechos 2:36). Pero te Jesús maba la yichʼ malbeyel aceite ta sjol, melel te Diose la stsa ta swenta te schʼul espíritu (Mateo 3:16).
¿Yabal xjuʼ te ay yantik ants winiketik te ya skʼotes ta pasel te albilkʼopetik ta swenta te Mesías?
Maʼuk. Jich bitʼil te shuellaul jkʼabtik maba pajal sok yuʼun te yantik, jaʼnix jich te albilkʼopetik ta Biblia ya yakʼ ta naʼel te jaʼnax ay jtul Mesías o Cristo. Manchukme jich-abi, te Biblia ya yal te «ya xchicnaj hahchel lotil cristohetic soc lotil jalwanejetic soc ya spasic mucʼ señahiletic soc jchahp aʼteliletic yuʼun ya sloʼloyic te machʼa tsahbilic, te yacuc xhuʼ yuʼunique» (Mateo 24:24).
¿Yatobal xchiknajxan ta pajel chaʼbej te Mesiase?
Maʼuk. Te Biblia ya yal ta swenta te Mesías te ya xtal ta stsʼumbal David te jaʼ jtul Ajwalil yuʼun Israel (Salmo 89:3, 4). Pero chʼay te banti najkanbil jilel sbiilik te stsʼumbal te ajwalil David, jich yilel te la yichʼ lajinel kʼalal te romanoetik la yuʼuntayik Jerusalén ta jaʼbil 70. a Jaʼto tal ta yorail-abi, maʼyuk machʼa ya xjuʼ ya yal te talem ta stsʼumbal te ajwalil David. Pero ta skʼajkʼalel te Jesús ayto-a te banti nakal sbiilik te stsʼumbal te judioetik, jaʼnix jich te skontratak te Jesús snaʼojik-a te talem ta stsʼumbal David (Mateo 22:41-46).
¿Jayeb albilkʼopetik ay ta Biblia ta swenta te Mesías?
Ma jnaʼtik ta lek jayeb albilkʼopetik ay ta Biblia ta swenta te Mesías. Yanyantik-a te bin-utʼil ya yichʼ ajtayel te albil kʼopetik-abi, melel ta Biblia bayal banti ya scholbey skʼoplal te Mesías. Jich bitʼil ta Isaías 53:2-7 bayal albilkʼopetik ya yal ta swenta te Mesías. Ay machʼatik ya yalik te jun-nax albilkʼop smakoj spisil te versiculoetik ini, pero ay machʼatik ta yalik te bayal albilkʼopetik ochem tey-a.
Albilkʼopetik ta swenta te Mesías te kʼot ta pasel ta stojol te Jesús
Te bin ya xkʼot ta pasel |
Albilkʼop |
Jich kʼot ta pasel |
|---|---|---|
Ya xtal ta stsʼumbal Abrahán |
||
Ya xtal ta stsʼumbal Isaac, te snichʼan Abrahán |
||
Ya xtal ta stsʼumbal Judá |
||
Ya xtal ta stsʼumbal te ajwalil David |
Isaías 9:7 |
|
Yal jtul ants te ma tabil ta winik |
Isaías 7:14 |
|
Ya x-ayin ta Belén |
Miqueas 5:2 |
|
Ya sbiilin Emmanuel b |
Isaías 7:14 |
|
Maba la stoy sba |
Isaías 53:2 |
|
Kʼalal ayin la yichʼ milel te alal keremetik |
Jeremías 31:15 |
|
La yichʼ ikʼel lokʼel tal ta Egipto |
Oseas 11:1 |
|
Naʼbil sba jich bitʼil Nazareno c |
Isaías 11:1 |
|
Nail la stikun jtul j-alkʼop |
Malaquías 3:1 |
|
La yichʼ tsael bitʼil Mesías ta jaʼbil 29 d |
Daniel 9:25 |
|
La yichʼ albeyel yuʼun Dios te jaʼ sNichʼane |
Salmo 2:7 |
|
La yichʼ ta mukʼ te sna te Dios |
Salmo 69:9 |
|
La schol te lek yachʼil kʼop |
Isaías 61:1 |
|
Mukʼul sakal kʼinal kʼot te aʼtelil la spas ta Galilea |
Isaías 9:1, 2 |
|
La spas milagroetik jich bitʼil Moisés |
Deuteronomio 18:15 |
|
Jaʼ la yal te bin albot yuʼun Dios jich bitʼil te Moisés |
Deuteronomio 18:18, 19 |
|
La slekubtes bayal jchameletik |
Isaías 53:4 |
|
Ma mukʼ skʼoplal la skuy sba |
Isaías 42:2 |
|
La snaʼbey yoʼbolil sba te machʼatik ayik ta wokol |
Isaías 42:3 |
|
La yakʼ ta nopel te bin toj ta pasel |
Isaías 42:1, 4 |
|
Lekil Jtojobteswanej |
Isaías 9:6, 7 |
|
La yakʼ ta naʼel te sbiil te Jehová |
Salmo 22:22 |
|
Nojpteswan sok lokʼombakʼopetik |
Salmo 78:2 |
|
Jtul Jwolwanej |
Daniel 9:25 |
|
Bayal ma la schʼuunik te bin la yale |
Isaías 53:1 |
|
Ton te ya skʼojchin sbaik-a |
Isaías 8:14, 15 |
|
La yichʼ pʼajel |
Salmo 118:22, 23 |
|
La spʼajik manchukme maʼyuk smul |
Salmo 69:4 |
|
Kajal ta chʼin burro ya x-och ta Jerusalén |
Zacarías 9:9 |
|
La yichʼ albeyel yutsil skʼoplal yuʼun te alaletik |
Salmo 8:2 |
|
Tal ta sbiil te Jehová |
Salmo 118:26 |
|
Akʼot ta kʼabal yuʼun jtul yamigo |
Salmo 41:9 |
|
Ya yichʼ akʼel ta kʼabal ta 30 ta sejp plata e |
Zacarías 11:12, 13 |
|
Ijkitayot yuʼun te yamigotak |
Zacarías 13:7 |
|
La yichʼ lebeyel smul |
Salmo 35:11 |
|
Ma la sjakʼ te bin albot yuʼun te skontratak |
Isaías 53:7 |
|
La stubatayik |
Isaías 50:6 |
|
La smajbeyik sjol |
Miqueas 5:1 |
|
La smajik |
Isaías 50:6 |
|
Ma la sut kʼalal la yichʼ majel |
Isaías 50:6 |
|
Lebot smul yuʼun te machʼatik mukʼ yaʼtelik |
Salmo 2:2 |
|
La yichʼ otsesbeyel lawux ta skʼab sok ta yok |
Salmo 22:16 |
|
La spasik seña ta naʼel machʼa ya yichʼ jilel te skʼuʼe |
Salmo 22:18 |
|
La skuyik ta jmulawil |
Isaías 53:12 |
|
La sbolkʼoptayik sok la spʼajik |
Salmo 22:7, 8 |
|
La yakʼ sba ta lajel ta stojol te jmulawiletik |
Isaías 53:5, 6 |
|
Jich yilel te ijkitayot yuʼun te Diose |
Salmo 22:1 |
|
La yakʼbeyik yuchʼ vino te kapbil ta bin chʼa |
Salmo 69:21 |
|
Takij yoʼtan te kʼalal mato lajem-ae |
Salmo 22:15 |
|
La yakʼ ta skʼab Dios te skuxlejal |
Salmo 31:5 |
|
La yakʼ skuxlejal |
Isaías 53:12 |
|
La yakʼ sba ta lajel ta swenta te mulil |
Isaías 53:12 |
|
Maba la swakʼbeyik jchʼixuk sbakel |
Salmo 34:20 |
|
La slowik |
Zacarías 12:10 |
|
La yichʼ mukel jich bitʼil jkʼulej |
Isaías 53:9 |
|
Chaʼkuxaj |
Salmo 16:10 |
|
La yichʼ lebeyel sjelol te machʼa akʼawan ta kʼabal |
Salmo 109:8 |
|
Najkaj ta swaʼel kʼab te Dios |
Salmo 110:1 |
a Te Cyclopedia de McClintock y Strong jich ya yal: «Te banti la yichʼ jilel tsʼibayel te stsʼumbal te Judioetik la yichʼ lajinel kʼalal la yichʼ ochintayel te Jerusalén».
b Te biilil Emmanuel ta hebreo ya skʼan ya yal: «Dios sjoquinejotic», ya yalbey skʼoplal ta lek te yaʼtel te Jesús jich bitʼil Mesías. Te kʼalal xtaluk ta Balumilal sok te bintik la spas te Jesuse, la yakʼ ta ilel te jokinbil yuʼun Dios te machʼatik ya yichʼik ta mukʼe (Lucas 2:27-32; 7:12-16).
c Te kʼopil Nazareno talemniwan ta kʼopil hebreo nétser, te ya skʼan ya yal «spuhl».
d Teme ya akʼan ya na bin yuʼun ya yakʼ ta naʼel te Biblia te ya chiknaj ta jaʼbil 29 te Mesiase, ilawil te artículo «Te j-alwanej Daniel la yalbey skʼoplal te bin-ora jul te Mesiase».
e Te albilkʼop ini ay ta libro yuʼun Zacarías, pero te Mateo la yal te «cʼoht ta pasel te bin la yal te jalwanej Jeremías» (Mateo 27:9). Jich yilel te jaʼ nail ya yichʼ akʼel ta sjun Dios te libro yuʼun Jeremías te naʼbil sba jich bitʼil «shun jalwanejetic» (Lucas 24:44). Te Mateo laniwan stuuntes te sjun «Jeremías» ta yalbeyel skʼoplal spisil te sjun alwanejetik te jaʼnix jich tey ochem skʼoplal-euk-a te sjun Zacarías.
Yaniwan amulan-euk sk'oponel ini
¡WIKʼAME ASIT!
¿Bin yuʼun la sjeltay te bin schʼuunoj jtul judía-ants?
¿Bin koltayot ta snaʼel te Racquel Hall te jaʼ Mesías te Jesuse?
NOJPTESEL YA YAKʼ TE BIBLIA
Ila bin yilel te nojptesel
Kʼana nojptesel ta Biblia te maba tojbil sok jtul testigo ya snojptesat.