¿Aybal banti kuxinem te Diose?
Te sujtib ya yakʼ te Biblia
Ay banti kuxul-euk te Diose, jaʼ te ta chʼulchan. Ilawil te bin ya yal te textoetik te ay ta Biblia:
Ta jun oración te la spas te ajwalil Salomón, jich la yalbey te Diose: «Aʼiybeya scʼop cʼalal ta chʼulchan, ta lugar te banti nahinemat» (1 Reyes 8:43).
Te kʼalal la snojptes ta skʼoponel Dios te jnopojeletik yuʼun te Jesús, jich la yal: «Jtatic te ayat ta chʼulchan» (Mateo 6:9).
Te kʼalal chaʼkuxaj te Cristo «och bahel ta chʼulchan, yuʼun ya stehcʼan sba ta stojol Dios» (Hebreos 9:24).
Te textoetik ini ya yakʼ kiltik te yuʼun-nix smelelil ay a te Jehovae sok te kuxul ta chʼulchan, ma bayuknax ay te bitʼil ay machʼatik jich ya snopike.
Yaniwan amulan-euk sk'oponel ini
JOJKʼOYELETIK TA SWENTA TE BIBLIA
¿Bayuknaxbal ay te Diose? ¿Teybal ay ta spisil te bintik spasoje?
¿Yabal yal te Biblia te bayuknax banti ay te Diose? Teme jich ya yale, ¿bin-utʼil ya jnaʼtik te ya xjuʼ ya skanantayotik?
¿BINTIK MUKʼ SKʼOPLAL YA SNOJPTESOTIK TE BIBLIAE?
¿Yabal xjuʼ ya awamigoin te Diose?
Ta bayalix tal jaʼbil te ants winiketik ya skʼan ya snaʼbeyik sba te Jpaswanej yuʼunike. Te Biblia ya skoltayotik ta yamigoinel. Ya xjajch kamigointik kʼalal ya jnaʼtik bin sbiil.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.