Manchukme ma xkiltik te Satanás, te sKʼop Dios ya yal te yuʼun-nix ay-a. Te Satanás jich kʼoem bitʼil te machʼa ya swol jun chopol banda, te ya yal lotil sok ya xloʼlaywan yuʼun ya xkʼot ta pasel te skʼanojel yoʼtan. Jaʼ yuʼun, te Biblia jich ya yal:«Te Satanás ya spʼis sba ta chʼul aʼbat yuʼun sacal qʼuinal» (2 Tesalonicenses 2:9, 10; 2 Corintios 11:14). Ta swenta te bin chopol ya spas te Satanás tey chikan-a te yuʼun-nix ay-ae.

 Pero ma jaʼuk smul spisil te swokol te ants winiketike. ¿Bin yuʼun? Melel kʼalal te Dios la spas te ants winiketik la yakʼbey ta wenta stsael te bin lek sok te bin ma lekuk (Josué 24:15). Kʼalal ma lekuk te bin ya jtatik ta nopel spasel, joʼotiknix ya jle jwokoltik (Gálatas 6:7, 8).