¿Yabal xjuʼ jtatik smukʼul koʼtantik ta Biblia?
Te sujtib ya yakʼ te Biblia
Yak (Romanos 15:4). Bayal ants winiketik yakik ta sitintayel tulan wokolil sok ay ma lek ya yaʼiy sbaik pero staoj smukʼul yoʼtanik ta Biblia.
Ta artículo ini ya xbajt kiltik cheʼoxeb textoetik te ya skoltayotik ta sitintayel cheʼoxeb wokoliletik.
Tulan kʼopetik
Salmo 23:4: «Aunque ya xcʼaxon ta sjuclej yuʼun yaxinal lajel, mayuc bin chopol ya jxiʼ, como haʼat ajoquinejon».
Te bin ya skʼan ya yal: Kʼalal ya jkʼopontik te Dios sok te ya jletik koltayel ta Biblia jaʼ ya yakʼ yip koʼtantik ta sitintayel te wokoliletik.
Filipenses 4:13, TNM: «Spisil ya xjuʼ kuʼun ta swenta te machʼa ya yakʼbon yip koʼtane».
Te bin ya skʼan ya yal: Te Dios ya yakʼbat awip yuʼun ya xjuʼ awuʼun sitintayel biluk wokolil.
Te kʼalal ay machʼa ya xlaj kuʼuntik
Eclesiastés 9:10: «Como ta stsobojibal machʼatic chamenic, te banti ya xbahat, mayuc aʼtel, mayuc bin ay ta chahpanel, mayuc bin ay ta naʼel soc mayuc pʼijil-oʼtanil tey a».
Te bin ya skʼan ya yal: Te machʼatik lajemikix, maʼyuk bin ya snaʼikix, ma xjuʼ ya yutsʼinotik sok ma xjuʼ ya skoltayotik.
Hechos 24:15: «Ay chaʼcuxajel yuʼun te machʼatic chamenic».
Te bin ya skʼan ya yal: Te Dios ya xjuʼ ya schaʼkuxajtes te machʼatik lajemik kuʼuntik.
Bayal jmultik ya kaʼiytik
Salmo 86:5: «Como haʼat, Cajwal, a lec awoʼtan soc jpas-perdonat, cʼax bayel scʼuxul awoʼtan ta stojol spisil te machʼatic ya yalbat wocol».
Te bin ya skʼan ya yal: Te Dios ya spasbey perdón machʼa ya sujtes yoʼtan ta smelelil ta swenta te bin ma lek la spase sok te maba ya schaʼpasix yan bueltae.
Salmo 103:12: «Hich te bin utʼil snamalil yiloj sbahic banti ya xlocʼ tal cʼahcʼal soc te smahlib cʼahcʼal, hich la snamijtes bahel te jcʼaxun-mandar cuʼuntique».
Te bin ya skʼan ya yal: Kʼalal ya spasbotik perdón te Diose maba ya stabotikix ta alel yuʼun ya yakʼbotik castigo, namalto ya yakʼ te jmultike. Kʼax namal ya yakʼ te ma xjuʼ ta naʼel kuʼuntike.
Mel-oʼtan
Salmo 31:7: «Como la awilbon jwocol soc la anaʼbon swocol te jchʼuhlele [jkuxlejal]».
Te bin ya skʼan ya yal: Te Dios ya snaʼ spisil te wokolil yak ta kʼaxel ta atojole. Ya xkʼot ta yoʼtan te bin yaʼiyel ya awaʼiy aba ta skʼubulil awoʼtan, manchukme ma xkʼot ta yoʼtan te yantike.
Salmo 34:18: «Te Jehová nopol ay ta stojol te machʼatic ayic ta mel-oʼtan, soc ya scoltay te machʼatic pichʼil yoʼtanique».
Te bin ya skʼan ya yal: Te Dios jamal ya yal te maba ya yijkitayat te kʼalal ya amel awoʼtane. Jaʼ ya yakʼbat awip yuʼun ya xjuʼ awuʼun stsʼikel te awokole.
Chamel
Salmo 41:3: «Te Jehová ya yaʼbe yip cʼalal ay ta chamel».
Te bin ya skʼan ya yal: Te Jehová ya skoltayat ta stsʼikel te tulan chamel, kʼalal ya yakʼbat slamalil awoʼtan, ya yakʼbat awip te ya xkujch awuʼun sok ya yakʼbat apʼijil yuʼun lek te bin ya ata ta nopel spasel.
Isaías 33:24: «Mayuc machʼa te nahinem ta Sión te hich ya yal: ‹Ayon ta chamel›».
Te bin ya skʼan ya yal: Te Dios jamal yaloj te ya sta yorail te maʼyuk machʼa ya stsakotix ta chamel.
Estrés
Salmo 94:19: «Te cʼalal ay bayel bintik ya xcʼopoj coʼtan yuʼun, te smucʼubtesel-oʼtanil awuʼun la yaʼbon stseʼelil coʼtan».
Te bin ya skʼan ya yal: Teme ya jkʼanbeytik koltayel te Dios kʼalal bayal estrés ya kaʼiytik, jaʼme ya skoltayotik yuʼun ya xlamaj koʼtantik.
1 Pedro 5:7: «Aʼbeya ta stojol spisil te bintik yac amel awoʼtanic yuʼun, como ayex ta canantayel yuʼun».
Te bin ya skʼan ya yal: Te Dios ay skʼoplal ta yoʼtan te wokolil yak ta kʼaxel ta jtojoltike. Jaʼ yuʼun ya skʼan te ya kalbeytik te bin ya jmel koʼtantik yuʼune.
Guerraetik
Salmo 46:9: «Jcʼaxel ya yacʼ quehchajuc guerrahetic cʼalal ta stiʼil bahlumilal».
Te bin ya skʼan ya yal: Te Wentainel yuʼun te Dios nopol ya xbajt slajinbey skʼoplal te guerraetik.
Salmo 37:11, 29: «Yan te machʼatic manso yoʼtanic ya me yichʼic hilel te qʼuinal soc ya me smulanic bayel lamal qʼuinal. Te machʼatic toj yoʼtanic ya me yichʼic hilel te qʼuinale, sbahtel qʼuinal ya xnahinic tey a».
Te bin ya skʼan ya yal: Te machʼatik lek yoʼtanik yame xkuxinik ta sbajtel kʼinal liʼ ta balumilal.
Mel-oʼtan ta swenta te bin ya xkʼot ta pasel ta pajel chaʼbej
Jeremías 29:11: «Como ya jnaʼ te bin jnopoj ta acuentahic, xchi te Jehová, ha jnopoj te lec ya xcʼohex, ma haʼuc te ya xcʼax awocolic, ya caʼbeyex te bin yaquex ta smahliyele».
Te bin ya skʼan ya yal: Te Jehová ya yalbey te j-abatetik yuʼun te ay bin lek ya smaliyik ta pajel chaʼbej.
Apocalipsis 21:4: «Ya me xcusticlambot yaʼlel sitic yuʼun te Diose; mayuquix lajel, mel-oʼtan, oqʼuel o te bin cʼux, como cʼaxix spisil te bintic ay ta nahil to».
Te bin ya skʼan ya yal: Te Dios jamal ya yal te ya xbajt slajin spisil te bintik chopol yak ta kʼoel ta pasel ta Balumilal.
a Jehová sbiil te Diose (Salmo 83:18). Kʼopona te artículo «¿Machʼa-a te Jehová?».
Yaniwan amulan-euk sk'oponel ini
TE J-ILKʼINAL TA TOYOL
¿Bintik lekilal ya ata yuʼun te skʼuxul yoʼtan te Diose?
Te Biblia ya yakʼbey yip te smukʼul koʼtantik ta stojol te bintik yaloj ya spas te Diose.
JOJKʼOYELETIK TA SWENTA TE BIBLIA
¿Banti ya jtatik smukʼul koʼtantik?
Te Biblia ya xjuʼ ya slekubtesbat te akuxlejal ta ora ini sok ya yakʼbat smukʼul awoʼtan.
YANTIK TEMAETIK
Te kʼalal ay machʼa ya xlaj kuʼuntik
Teme ay machʼa lajem awuʼune, yaniwan anop te maʼyuk machʼa ya xkʼot ta yoʼtan te bin yak ta kʼaxel ta atojole, pero te Diose ya xkʼot ta yoʼtan sok ya xjuʼ ya skoltayat.
TE J-ILKʼINAL TA TOYOL
Kʼalal ma xkujchix te jwokoltike
Manchukme ay jwokoltik kʼax lek te kuxinele.
ESSENTIAL BIBLE TEACHINGS
¿Bin yuʼun maba slajinoj Dios te wokolile?
Bayal ants winiketik ya sjojkʼoybey sbaik bin yuʼun bayal pʼajel sok wokolil ta balumilal. Ta Biblia ya scholbey skʼoplal ta lek sok ya yakʼ smukʼul koʼtantik.
NOJPTESEL YA YAKʼ TE BIBLIA
Ila bin yilel te nojptesel
Kʼana nojptesel ta Biblia te maba tojbil sok jtul testigo ya snojptesat.