Te ants winiketik maʼyuk bin-ora ya staik te lamalkʼinal ta stukeliknax. Ilawil te bin yuʼune:

•   «Te ants-winic ma haʼuc scuentahinej te be yuʼune» (Jeremías 10:23). Te ants winiketik maba la yichʼik pasel yuʼun stukel ya swentain sbaik. Jaʼ yuʼun ma staik te lamalkʼinal.

•   « Ma me xawacʼ smucʼulin awoʼtanic te winiquetic ay scʼoblalic, te snichʼnab winic, yuʼun ma xcoltaywan. Te cʼalal ya xlocʼ schʼuhlel, ya suht ta tsʼubil lum; ha nix yorahil a ya xchʼay te bintic snopojique» (Salmo 146:3, 4) Jaʼ yuʼun te ajwaliletik ma xjuʼ ya slajinik te guerra.

•   «Ta slajibal cʼahcʼal bahel ya xtal yorahil wocol. Ay machʼatic te [...] mayuc scʼuxul yoʼtanic, mayuc perdón ta yoʼtanic, jlehawetic ta cʼop, ma scom sbahic, jʼutsʼinwanejetic, ihlaybil yuʼunic te bintic lec» (2 Timoteo 3:1-4). Ayotik ta kuxinel «ta slajibal cʼahcʼal» yuʼun te chopol balumilal ini sok te bitʼil kʼax chopolix te stalel te ants winiketik jaʼ yuʼun wokol ta tael te lamalkʼinal.

•   «¡Pero ay me swocolic te machʼatic nahinemic ta bahlumilal soc ta mar! Como te pucuje, soc bayel yilimba cohemix tal ta atojolic, yuʼun ya snaʼ te nopol ya xlaj ora yuʼun» (Apocalipsis 12:12). Te skontra te Dios, te jaʼ Pukuj, liʼ ayix ta Balumilal sok ya stijbey yoʼtan te ants winiketik yuʼun chopoluk stalelik. Te bitʼil jaʼto «te principal yuʼun te bahlumilal» maʼyuk bin-ora ya yichʼ tael te lamalkʼinal (Juan 12:31).

•   «[Te Ajwalinel yuʼun te Dios] ha ya swuyticlan soc ya slajinlan spisil te jchahp ban cʼalal scuentahinejic te ajwaliletic ini [te ya skontrainik te Diose], pero sbahtel qʼuinal ya xhil stuquel» (Daniel 2:44). Te machʼa ya xbajt yakʼ te lamal kʼinal jaʼ te Wentainel yuʼun te Diose, ma jaʼuk te ajwaliletik yuʼun te balumilale (Salmo 145:16).