Puersa, melel te Dios ya skʼan te ya jtsob jbatik ta yichʼel ta mukʼ. Te Biblia jich ya yal: «Acʼa jnoptic bin utʼil talel cʼaxel ya juc jbahtic ta cʼuxultaywanej soc ta spasel lequil aʼteliletic, ma me jquehchantic te ya jtsobilan jbahtic» (Hebreos 10:24, 25).

 Te Jesús la yakʼ ta naʼel te jun-nax ya x-ayinik te jnopojeletik yuʼun kʼalal jich la yal: «Hich ya snaʼic spisil ants-winiquetic te haʼex jnopojelex cuʼun teme talel cʼaxel cʼux yac awaʼiy aba ta awoʼtanique» (Juan 13:35). Swenta ya yakʼik ta ilel te kʼuxul oʼtanil-abi te jnopojeletik yuʼun Cristo, ya skʼan ya sjokin sbaik sok yantik jnopojeletik. Swenta jich ya spasik-abi, ya skʼan ya stsobilan sbaik ta yichʼel ta mukʼ te Dios ta congregacionetik (1 Corintios 16:19). Jich ta swolol Balumilal jun-nax ya xkʼotik te bitʼil yermano sbaike (1 Pedro 2:17).

Ma tikʼuk-a te ayotik ta jun religión

 Te Biblia ya yal te ya skʼan ya jtsob jbatik ta yichʼel ta mukʼ te Diose. Pero maʼyuk banti ya yal ta Biblia te tikʼnax lek ya yilotik-a te Dios teme ayotik ta jun religión. Ya skʼan ya jpas ta jkuxlejaltik te bin ya jnoptik tey-ae. Te Biblia jich ya yal: «Te schʼuhunel Dios te lec soc te mayuc bin chopol tey a ya yil te Jtatic Dios, ha te yulaʼtayel te meʼba alaletic soc meʼba antsetic te ay swocolic, soc te ya scanantay sba te ma xbohlobtesot yuʼun te bahlumilale» (Santiago 1:27).