Te tulan wokolil jaʼ skʼajkʼalel te bin xiweltik sba ta stojol te ants winiketik te maʼyuk jich kʼaxem ta stojolik. Ta swenta te albilkʼopetik te ay ta Biblia ya xkʼot ta pasel te «kʼalal nopolix-a te slajibal kʼajkʼale» o «cʼalal yorahil slajibal» (2 Timoteo 3:1; Daniel 12:4). Ta evangelio yuʼun Marcos 13:19 jich ya yal: «Melel ta skʼajkʼalel-abi, jaʼ yorail tulan wokolil te maʼyuk jich kʼoem ta pasel kʼalalto tal te sjajchibal te balumilale sok maʼyuk bin-ora jich ya xkʼotxan ta pasel ta patil» (Daniel 12:1; Mateo 24:21, 22).

¿Bin ya xbajt kʼotuk ta pasel ta skʼajkʼalel te tulan wokolil?

•   Ya yichʼ lajinel te lotil religión. Te lotil religión ya yichʼ lajinel ta oranax ([Apocalipsis] 17:1, 5; 18:9, 10, 21). Kʼalal te ajwaliletik —te wentainbilik yuʼun te Naciones Unidas— jich ya spasik, jaʼ ya xbajt spasik te skʼanojel yoʼtan te Dios (Apocalipsis 17:3, 15-18). a

•   Ya yichʼ kontrainel te smelelil religión. Ta jun najalsitil te la yil te Ezequiel, jtsojb nacionetik te sbiilinoj «Gog ta sqʼuinal Magog», yoʼtan ya slajinik ta jkʼaxel te machʼatik ayik ta smelelil religión. Pero te Dios ma xyakʼ ta lajinel te lum yuʼun (Ezequiel 38:1, 2, 9-12, 18-23).

•   Ya yichʼik ichʼel ta kʼop te ants winiketik. Te Jesús jaʼ ay ta swenta yichʼel ta kʼop te ants winiketik sok «parte ya yakʼ te tuminchije sok parte ya yakʼ te tentsunetike» (Mateo 25:31-33). Jaʼ chikan te bin la spasik ta stojol te yermanotak te Cristo te ya x-wentainwanik sok ta chʼulchan (Mateo 25:34-46).

•   Ya yichʼik tsobel te machʼatik ya xwentainwanik sok te Jesús ta chʼulchan. Te machʼatik yichʼojik tsael yuʼun ya xwentainwanik sok te Cristo te jun yoʼtan yakik ta abatinel ta stojol Dios, yame xlajik sok ya yichʼik chaʼkuxajtesel yuʼun ya xkuxinik ta chʼulchan (Mateo 24:31; 1 Corintios 15:50-53; 1 Tesalonicenses 4:15-17).

•   Yame xkʼot skʼajkʼalel te Armagedón. Ta  Biblia, te kʼopil Armagedón jaʼnix jich ya yichʼ biilintesel « guerra ta smukʼul kʼajkʼalel te Diose, te machʼa spisil ya xjuʼ yuʼune». sok «te skʼajkʼalel te Jehová» (Apocalipsis 16:14, 16; Isaías 13:9; 2 Pedro 3:12). Te machʼatik maba la schʼuunik spasel te bin yaloj te Cristo yame yichʼik lajinel ta guerra-abi (Sofonías 1:18; 2 Tesalonicenses 1:6-10). Sok yame yichʼ lajinel te ajwaliletik ta swolol balumilal, te Biblia ya spajaltay bitʼil chambalam te xiʼbantik sba sok te jukeb sjol (Apocalipsis 19:19-21).

¿Bin ya xkʼot ta pasel te kʼalal kʼaxemix-a te tulan wokolil?

•   Ya yichʼ makel te Satanás sok te pukujetik yuʼune. Jtul chʼul-abat te bayal yuʼel ya yotses ta «xaab» te Satanás sok te pukujetik yuʼun (Apocalipsis 20:1-3). Te kʼalal jich ya xkʼot ta pasel maʼyuk bin ya spasik, jich kʼoem te lajemik. Te kʼalal ay ta xaab-a te Satanás jaʼ pajal kʼoem te ay ta chukojibal, jich yuʼun maba  ya sloʼlayix-a te nacionetik (Apocalipsis 20:7).

•   Yame xjajch te jmil jaʼbil. Ta yorail-abi, yame xjajchte jmil jaʼbilyuʼun te Wentainel yuʼun te Dios, te ya yichʼ tal bayal bendición ta stojol te ants winiketik (Apocalipsis 5:9, 10; 20:4, 6). Ta Balumilal ay «bayal ta tul ants winiketik» te ya xkolik lokʼel ta tulan wokolil sok ya yilik te kʼalal ya xjajch te jmil jaʼbil (Apocalipsis 7:9, 14; Salmo 37:9-11).