¡WIKʼILUK JSITIK SPISIL-ORA!
Ayuk smukʼul koʼtantik 2023 | ¿Bin ya yal te Biblia?
Ta jaʼbil 2023 ya jkʼantik te bintik lek ya xkʼot ta stojol te jfamiliatik soknix ta jtojoltik. ¿Bin yuʼun te jich ya kaltike?
Te Biblia ya yakʼ smukʼul oʼtanil
Te Biblia ya yalbotik te nopol ya xlaj te wokoliletik te ya jsitintaytik ta ora ini, melel ya yal te la «yichʼ tsʼibayel swenta ay bin ya yakʼ jnoptik, [...] sok te smukʼul koʼtantik te ya yakʼbotik te sJun Diose» (Romanos 15:4).
Teme ya akʼan ya anaʼbeyxan skʼoplal, kʼopona te artículo «Ya jmaliytik jun lekil kuxlejalil ta pajel chaʼbej».
Te mukʼul oʼtanil ya skoltayat ta ora ini
Te smukʼul oʼtanil ya yak te Biblia «jich kʼoem te bin-utʼil jun ancla» (Hebreos 6:19) Te smukʼul oʼtanil ini ya skoltayotik ta sitintayel te wokoliletik, te lekuk te bin ya jtatik ta nopel sok te tseʼeluk koʼtantik. Ilawil te ejemploetik ini:
Te mukʼul oʼtanil ya yakʼ te Biblia, koltayot jtul winik yuʼun ya yijkitay te bin ma lek kʼayem ta spasele. Ilawil te video «Chʼajubon yuʼun te chopol jkuxlejale».
Te mukʼul oʼtanil ya yakʼ te Biblia ya skoltayotik kʼalal ay machʼa ya xlaj kuʼuntik. Ilawil te video Te kʼalal ay machʼa ya xlaj kuʼuntik.
Te mukʼul oʼtanil jujun kʼajkʼal ya yichʼ yip
Bayal ants winiketik ay smukʼul yoʼtanik, melel ya skuyik te ya xlekub te skuxlejalike, pero manix naʼbil-a te jich ya xkʼot ta pasele. Ma jichuk ya yichʼ alel ta swenta te Biblia. ¿Bin yuʼun? Melel te bin ya yal te Biblia, jaʼ yaloj te Jehová a te «ma spas lot stukel» (Tito 1:2) Jaʼ nax ya xjuʼ ya skʼotes ta pasel te bin ya yal «ya spas spisil te bintic ya scʼan ya spas» (Salmo 135:5, 6).
Ya xjuʼ ya smukʼulin awoʼtan te bin ya yal te Biblia. Ya kikʼatkotik te yakuk akʼopon yuʼun ya stsak yip te smukʼul awoʼtan (Hechos 17:11) ¿Yabal akʼan nojptesel ta Biblia te maba tojbil? ¡Nopa ta awoʼtan te bintik lek ya apas ta 2023!
a Te sbiil te Diose, jaʼ Jehová (Salmo 83:18).