¡WIKʼILUK JSITIK SPISIL-ORA!
2023: Bayal wokoliletik|¿Bin ya yal te Biblia?
Te bintik kʼot ta pasel ta swolol balumilal ta 2023, ya yakʼ ta ilel te yakotik ta kuxinel jich bitʼil ya yal te Biblia ta «slajibal kʼajkʼale» (2 Timoteo 3:1). Te bin yak ta kʼoel ta pasel ta ora ini, jichnix yaloj te Biblia te ya xkʼot ta pasel. Kiltik cheʼoxeb ejemplo.
Te Biblia sok te bintik yak ta kʼoel ta pasel
«Guerraetik sok yame awaʼiybeyik skʼoplal te ay guerraetik ta bayuk» (Mateo 24:6).
«Ta bayuknax yak ta jajchel te guerraetik». a
Ilawil te articuloetik «¿Machʼa ya skanantay te ants winiketike?» sok «La yichʼ lajinel kʼaxem ta 2.24 billones de dólares ta aʼtejibaletik yuʼun guerra»
«Yame xtal tulan nijkel ta bayuk»(Marcos 13:8).
«Ta sjunal te jaʼbil 2023, ay kʼaxem ta balumilal 13 buelta te nijkel te ayniwan staoj 7 te yipe o kʼaxtoxan-a. Maʼyuk jich kʼoem ta pasel-a te jayeb tiempo yichʼoj ilbeyel skʼoplal». b
Ilawil te artículo «Tulan nijkel ta Turquía sok ta Siria».
«Yame xchiknaj bintik xiʼbantik sba»(Lucas 21:11).
«Te ayix tal kʼajkʼale jaʼ ya kalbeytik skʼoplal te kʼixnajel te balumilal, pero ta ora ini jaʼ ya skʼan kaltik te kʼax batsʼejemix te skʼixnajele»(António Guterres, secretario general de las Naciones Unidas). c
Ilawil te artículo «Te skʼuxul te kʼajkʼal ta 2023».
«Tulan wiʼnal»(Mateo 24:7).
«2023: Bayal familiaetik la smel yoʼtanik ta swenta te bitʼil ya xjuʼ ya sta te sweʼel yuchʼelik». d
Ilawil te artículo «Te guerra sok te bin yak ta jelonel ta balumilal, ya yakʼ wokolil».
«Te bintik chujkultik sba sok te tulan ta sitintayele»(2 Timoteo 3:1).
«Ta waxakeb ta jtul ants winiketik, ay jtul te machʼa ay ta chamel te ya x-utsʼinbot te spensare» e
Ilawil te artículo «Te achʼix keremetik yakik ta sitintayel tulan wokolil»
¿Binwan ya xkʼot ta pasel ta 2024?
Maʼyuk machʼa ya sna te bin ya xkʼot ta pasel te jaʼbil yak ta talele. Pero te bin yak ta kʼoel ta pasel ta ora ini ya yakʼ ta ilel te nopolix ya xwentainwan te Wentainel yuʼun te Dios, ya slajinbey skʼoplal te ajwaliletik ta balumilal soknix te bintik ya yakʼ jmel koʼtantik(Daniel 2:44; Apocalipsis 21:4).
Te bitʼil mato xkʼot ta pasel jkʼanbeytik koltayel te Dios te kʼalal ya jmel koʼtantik. Te Biblia jich ya yal:
«Te cʼalal ya xtal xiwel ta coʼtan, haʼat ya smucʼulinat coʼtan»(Salmo 56:3).
¿Bin-utʼil ya kakʼtik ta ilel te ya smukʼulin koʼtantik te Dios? Ya kikʼatkotik ta snopel ta Biblia ta swenta te bin lekilal ya jtatik ta pajel chaʼbej. Kʼana Nojptesel ta Biblia yuʼun ya anop bin- utʼil ya xjuʼ ya skoltayat sok te afamilia te bin ya xkʼot ta pasel ta pajel chaʼbej.
a Foreign Affairs, “A World at War: What Is Behind the Global Explosion of Violent Conflict?” (Bayal guerraetik ta balumilal), Emma Beals and Peter Salisbury, 30 yuʼun octubre, 2023.
b Tulan nijkel ta bayuk, «2023: Bayalxan ya xkʼax tulan nijkel». Mayo, 2023.
c United Nations, “Secretary-Generalʼs Opening Remarks at Press Conference on Climate,” (Te bin la yal te secretario general ta swenta te bin yak ta kʼoel ta pasel); 27 yuʼun julio, 2023.
d Programa Mundial de Alimentos, «Ayik ta woklajel ta balumilal ta swenta weʼelil».
e Organización Mundial de la Salud, «Día Mundial de la Salud Mental», 10 yuʼun octubre, 2023.
Yaniwan amulan-euk sk'oponel ini
YANTIK TEMAETIK
Ya jmaliytik jun lekil kuxlejalil ta pajel chaʼbej
¿Bin yuʼun ma pajaluk te bin ya yal te Biblia sok te bin ya yalik te ants winiketik ta swenta te pajel chaʼbeje?
ESSENTIAL BIBLE TEACHINGS
¿Bin-a te Wentainel yuʼun te Diose?
Te kʼalal la schol skʼop Dios te Jesuse, jaʼ bayalxan la yalbey skʼoplal te Ajwalinel o Wentainel yuʼun te Diose. Te jnopojeletike, ayix bayal siglo te yakik ta skʼanel te yakuk xtalix te Wentainele.
JOJKʼOYELETIK TA SWENTA TE BIBLIA
¿Yabal xjuʼ ya ata smukʼul awoʼtan ta Biblia?
Te bin ya yal te Biblia bayal skoltayoj te machʼa kʼaxem swokolike.
¡WIKʼAME ASIT!
Te bin-utʼil ya jkombeytik yip te estrés
Ilawil chaʼoxchajp te bin ya xjuʼ ya skoltayat ta skombeyel yip te estrés.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
