Ta 2024 bayal wokoliletik ya xtal, ta swenta-abi bayal ants winiketik ya yalik te maʼyuk bin ora ya xlekub te balumilal. Pero ay smukʼul koʼtantik ta swenta te pajel chaʼbej ¿Banti ya xjuʼ ya jtatik?

 Te Biblia ya yal ta jamal te ya xbajt slajin te Dios spisil te wokoliletik te ya yakʼ jmel koʼtantik sok ya yal te bin ya spas ta pajel chaʼbej ta stojol te ants winiketik. «Yame xkustiklanbot yaʼlel sitik yuʼun te Diose, maʼyukix lajel, maʼyukix mel-oʼtan, okʼel sok te bin kʼux» (Apocalipsis 21:4).

•    Teme ya akʼan ya anaʼxan te bin ya yal te Biblia, kʼopona te artículo «Ya jmaliytik jun lekil kuxlejalil ta pajel chaʼbej»

 Te mukʼul oʼtanil ya yakʼ te Biblia ya xjuʼ ya skoltayat yuʼun ya wakʼ ta awoʼtan te bintik lek sok te tseʼeluk awoʼtane (Romanos 15:13) Jaʼnix jich ya skoltayat te Biblia ta tsʼikel te wokoliletik ya xkʼax ta akuxlejal ta ora ini, jich bitʼil te maʼyuk jtakʼintik, te bintik ma stojil ya kichʼtik pasbeyel sok te chamel.

•    Ilawil bin-utʼil te mukʼul oʼtanil ya yakʼ te Biblia koltayot jtul winik yuʼun ya sta stseʼelil yoʼtan sok te lamaluknax yoʼtan manchuk chʼi ta jun familia te maʼyuk bin lek ay yuʼunik. Ilawil te video Juan Pablo Zermeño: Te Jehová la yakʼbey swentail te jkuxlejal.

•    Ilawil bin-utʼil te Biblia ya xjuʼ ya skoltayat te kʼalal ay machʼa ya xlaj awuʼun, te kʼalal ma lek ya awaʼiy aba, te kʼalal ya amel-awoʼtan sok te kʼalal ay amul ya awaʼiy. Kʼopona te artículo «¿Yabal xjuʼ jtatik smukʼul koʼtantik ta Biblia?»

•    Ilawil bin-utʼil jtul ants te aʼtej ta soldado la schol te bin yilel te stalele te «maʼyuk bin ya jxiʼ sok tulan koʼtan». La sta smukʼul yoʼtan ta swenta te bin ya yal te Biblia. Ilawil te video Cambié las armas por la Biblia.

 ¿Yabal akʼan te leknax ya xkʼax awuʼun sok te afamilia ta jaʼbil 2024? Te Biblia ya xjuʼ ya skoltayat yuʼun jich ya xkʼot ta pasel. Kʼana Nojptesel ta Biblia. Sok nopa bin-utʼil te Dios ya yakʼ slamalil koʼtantik, ay bin lek ya yakʼ jmaliytik sok smukʼul koʼtantik (Jeremías 29:11).