Ta swolol te Balumilal bayal ants winiketik stukel ya yaʼiy sbaik sok maʼyuk yamigotakik. Chaʼoxtul doctoretik staojik ta ilel te ya xjuʼ ya stsalik te bitʼil ya yaʼiy sbaik te kʼalal ya skoltayik te yantik.

•    «Te kʼalal ya jkoltaytik te machʼatik ya xtuun yuʼun, ya xjuʼ te leknax ya kaʼiy jbatik sok ya skoltayotik yuʼun maba ya xnamajotik ta stojol te yantik» (Institutos Nacionales de la Salud, de Estados Unidos).

 Te Biblia ya yalbotik bin ya xjuʼ ya jpastik yuʼun ya jkoltaytik te yantik. Te kʼalal ya jpas ta jkuxlejaltik, ya xjuʼ ya skoltayotik ta stsalel te bitʼil jtukel ya kaʼiy jbatike.

 Akʼa ta ilel yutsil awoʼtan. Akʼbeya te yantik te bintik ay awuʼun, jich bitʼil te atiempo. Lea bin-utʼil ya xjuʼ ya ajokin yantik ants winiketik. Kʼalal ya awakʼ ta ilel yutsil awoʼtan, lek ya yaʼiy sba te yantik, jaʼ abi ya yakʼ te ya xkʼot awamigoin.

•    Texto yuʼun Biblia: «Kʼaytesa abaik ta yakʼel te bintik ay awuʼunike, jichme ya awichʼik akʼbeyel-euk» (Lucas 6:38).

 Koltaya te yantik. Lea bin-utʼil ya xjuʼ ya akoltay te machʼatik yak ta kʼaxel swokolik. Ya xjuʼ ya achʼam awaʼiy te bin ya yal, akʼa ta ilel skʼuxul awoʼtan sok te ya xkʼot ta awoʼtan te bin yak yalbel, jaʼnix jich ya xjuʼ ya ajap aba ta skoltayel.

•    Texto yuʼun Biblia: «Te machʼa jun yoʼtan sbahic, spisil ora ay scʼuxul yoʼtan» (Proverbios 17:17).

 Teme ya akʼan ya anaʼxan bin-utʼil ta tael lekil amigo, kʼopona te artículo «Te jfamiliatik sok te kamigotaktik».