¿Aybal bin-ora ya xlaj skʼoplal te guerra?
Te kʼalal ya xkʼax te guerra, aynix ya jpasbey jbatik te jojkʼoyeletik ini: «¿Aybal skʼoplal ta yoʼtan Dios te bin ya xkʼaxe? ¿Bin yuʼun te jich ya xkʼot ta pasele? ¿Aybal bin-ora ya xlaj skʼoplal te guerra a? ¿Bin-utʼil ya xjuʼ ya xkujch kuʼun?». Te Biblia ya yakʼbey sujtib te jojkʼoyeletik ini.
¿Bin ya snop Dios ta swenta te guerraetik?
Te Dios ma smulan te utsʼinel sok te guerraetik (Salmo 11:5; Proverbios 6:16, 17). Te Jesús, te snichʼan te Dios, la stojobtes te jnopojeletik yuʼun kʼalal ay bin ma lek la spasik (Mateo 26:50-52). Ay ants winiketik te ya x-utsʼinwanik sok ya yalik te jaʼ ya spasik ta swenta te Dios. Pero te Dios ma smulan te jich ya spasik sok ma x-aʼiybotik te skʼopik (Isaías 1:15).
Te Dios ya smel yoʼtan ta stojol te machʼatik ya xkʼax swokolik, tey ochem skʼoplalik-a te machʼatik ya xkʼax swokolik ta swenta te guerra (Salmo 31:7; 1 Pedro 5:7). Jaʼnix jich te Biblia ya yal te nopol ya slajinbey skʼoplal te utsʼinel te Diose (Isaías 60:18).
Te bin yuʼun ay te guerra
Te Biblia ya yal te ay guerra ta skaj te: «Jtul winic ya smosohin yan winic yuʼun ya yaʼbe swocol» (Eclesiastés 8:9). Bayalix tal jaʼbil te ants winiketik ya yutsʼin sbaik. Jaʼ yuʼun ay guerraetik (Eclesiastés 7:7).
Ya xlaj skʼoplal te guerra
Te Dios ya yal te ya xbajt slajinbey skʼoplal te utsʼinel sok te xiwel sok ya yakʼ lamalkʼinal ta Balumilal (Isaías 32:18; Miqueas 4:3, 4). Jaʼme ya spas ini:
Ya slajinbey skʼoplal te guerra. Te Dios ya xbajt slajin spisil te ajwaliletik ta Balumilal, melel jaʼ ya xjajch ta wentainwanej ta swolol Balumilal te Jesucristo, te machʼa ya x-och ta wentainwanej, jaʼme ya slajinbey skʼoplal te utsʼinwanej sok ta stojilnax ya xchajpanwan (Salmo 72:2, 14) Te kʼalal jich ya xkʼot ta pasel, maʼyukix machʼa ya xbajt yakʼ guerra. Spisil te ants winiketik «ya me smulanic bayel lamal qʼuinal» (Salmo 37:10, 11).
Ya slekubtes te bin ya sjin jilel te guerra. Te Dios ya xbajt slekubtes te ants winiketik te kʼax swokolik ta skaj te guerra (Isaías 65:17; Apocalipsis 21:3, 4). Ma jaʼuknax-abi, jaʼnix jich ya yal te ya xbajt schaʼkuxajtes te machʼatik lajemik ta jun Balumilal te banti ay lamalkʼinal (Juan 5:28, 29).
Te Biblia ya yal te nopol ya slajin spisil wokolil te Dios. Pero yaniwan ajojkʼoybey aba bin yuʼun te Dios maba slajinoj te guerrae. Teme ya akʼan ya anaʼbey sujtib, ilawil te video ¿Bin yuʼun maba slajinoj Dios te wokolile?
a Te kʼalal ya yichʼ albeyel skʼoplal te guerra, jaʼme yak ta albeyel skʼoplal te wokolil o te utsʼinel ya xkʼax ta stojol te ants winiketik yuʼun jich ya x-akʼbot xiwelik-a jaʼniwan ta swenta te política, te religión o yantikxan. Pero yanyantik-a te bin ya snopik te ants winiketik teme yuʼunix guerra-a o teme maʼuk.
Yaniwan amulan-euk sk'oponel ini
YANTIK TEMAETIK
Ya jmaliytik jun lekil kuxlejalil ta pajel chaʼbej
¿Bin yuʼun ma pajaluk te bin ya yal te Biblia sok te bin ya yalik te ants winiketik ta swenta te pajel chaʼbeje?
TE J-ILKʼINAL TA TOYOL
¿Bin ya xbajt spas te Wentainel yuʼun te Diose?
Te Jesús snaʼoj te jaʼnax te Wentainel yuʼun Dios ya schajpan te kʼopetik te ay ta Balumilal. ¿Bin spasojix te Wentainel yuʼun Dios yuʼun ya kakʼ smukʼul koʼtantik ta stojol?
ESSENTIAL BIBLE TEACHINGS
¿Bin yuʼun maba slajinoj Dios te wokolile?
Bayal ants winiketik ya sjojkʼoybey sbaik bin yuʼun bayal pʼajel sok wokolil ta balumilal. Ta Biblia ya scholbey skʼoplal ta lek sok ya yakʼ smukʼul koʼtantik.
