Ta Biblia ya jtatik lekil tsitseletik te ya xtuun kuʼuntik ta jkuxlejaltik. Teme ya akʼopon sok ya anopilan ta awoʼtan spisil-ora te bin ya yale soknix teme ya apas ta akuxlejale, «jich me lec ya xcʼoat ta loqʼuel» (Josué 1:8; Salmo 1:1-3). Jaʼnix jich ya xjuʼ ya anaʼbey sba te Dios sok te Jesús te sNichʼane, te ya xjuʼ ya ata kolele yuʼun (Juan 17:3).

¿Aybal anopojix te bin-utʼil ya akʼopon te Bibliae? Ayniwan. Te programa ini yuʼun skʼoponel te Biblia ya xjuʼ ya skoltayat ta skʼoponel te libroetik yuʼun te Biblia te bitʼil cholanbil koele o teme jaʼ ya akʼopon te banti jun-nax tema ya scholbey skʼoplale. Jich bitʼil parteetik te yichʼoj tsael te banti ya schol te bin-utʼil la yichʼ ilel yuʼun Dios te lum Israel. Jaʼnix jich ya xjuʼ ya akʼopon parteetik te banti ya xjuʼ ya anop te bin-utʼil jajch te kongregasion ta sbabial siglo sok te bitʼil esmaj baele. Teme ya akʼopon cheʼoxeb kapituloetik ta jujun kʼajkʼale, ya xlaj awuʼun skʼoponel spajkal te Biblia ta jun-nax jaʼbil.

Chikan teme jaʼ ya akʼan akʼopon te Biblia ta jujun kʼajkʼal, o te bin-utʼil ta kʼoponel ta jujun jaʼbil, o teme sbabial buelta ya xjajch akʼopone, te programa ini ya xjuʼ ya skoltayat ta spasel. Pasa deskargar o pasa imprimir te programa ini yuʼun te skʼoponel te Bibliae, jajchan ta skʼoponel te Bibliae.