Ta noticiaetik bayal bin ya yichʼ alel sok ya yichʼ pasel ta skaj te pʼajaw, te majtamba ta skaj te yan stsʼumbalike sok ay guerraetik.

•   «Ta skaj te kʼop jajchem ta Israel sok Gaza, yichʼoj alel bayal discursoetik ta Internet te ya yakʼik ta ilel te ya xpʼajawanik» (The New York Times, 15 yuʼun noviembre 2023).

•   «Jaʼto tal ta 7 yuʼun octubre, ta balumilal bayal batsʼejemix te pʼajawe, ya yichʼ alel discursoetik te ya yakʼik ta ilel te ay pʼajaw ta yoʼtanik sok ya spasik muliletik ta skaj te pʼajawe» (Dennis Francis, presidente de la Asamblea General de las Naciones Unidas, 3 yuʼun noviembre 2023).

 Te bintik ya yichʼ albeyel skʼoplal ta swenta te pʼajaw, te majtamba sok te guerraetike ma yanukix ta ilel-a. Te Biblia ya yalbey skʼoplal chaʼ oxtul ants winiketik te ya x-utsʼinwanik sok ya smulanik spasel guerra, sok te skʼopike ya yichʼik pajaltayel jich bitʼil flecha (Salmo 64:3; 120:7; 140:1). Te Biblia ya yalbey skʼoplal te bin yuʼun ay te pʼajaw ta ora ini.

 Te Biblia ya yalbey cheb swentail te bin yuʼun ay te pʼajaw ta ora ini.

1.  1. La yalbey skʼoplal ta nailal te jteb ma spisil te ants winiketik ma yakʼikix ta ilel te skʼuxul yoʼtanik (Mateo 24:12). Ja yuʼun ya yakʼik ta ilel te pʼajaw ma jaʼuk ya yakʼik ta ilel te skʼuxul yoʼtanike (2 Timoteo 3:1-5).

2.  2. Te Biblia ya yal te«jaʼ ay ta skʼab swolol balumilal te Satanás» (1 Juan 5:19; Apocalipsis 12:9, 12). Te bintik kʼoemik ta pasel ta ora ini ta swenta te pʼajaw ya yakʼ ta ilel te yuʼunix yak ta spasel-a te bin chopole.

 Te Biblia ya yal te ya xbajt stupʼ te Dios ta jkʼaxel te pʼajaw. Jaʼnix jich ya slekubtes te wokoliletik ya jtatik ta skaj te pʼajawe. Te Biblia jich ya yal:

•   «Yame xkustiklanbot yaʼlel sitik yuʼun te Diose, maʼyukix lajel, maʼyukix mel-oʼtan,a okʼel sok te bin kʼux. Te bintik ay ta nailal chʼayix bael spisil» (Apocalipsis 21:4).