Ta swolol Balumilal bayal ants winiketik ya xat sbaik ta swenta te política. La spasik jun encuesta ta 2022 ta centro de investigación Pew Research Center, la staik ta ilel te «65% ta tul ants winiketik te la yichʼik jojkʼoybeyel ta 19 nacionetik la yalik te ma acuerdo ayik te ants winiketik te yanyantik spartidoik».

 ¿Yabal xat sbaik-euk te ants winiketik ta swenta política te banti nainemate? ¿Bin yuʼun te jich ya spasike? ¿Aybal schajpajibal? Ilawil te bin ya yal te Biblia.

 Te Biblia la yal te kʼalal «nopolix-a te slajibal kʼajkʼale» bayal ants winiketik chopol stalelik, jaʼ yuʼun ma xjuʼ te jun-nax ayike.

•   «Te kʼalal nopolix-a te slajibal kʼajkʼale, yame xtal te bintik chujkultik sba sok te tulan ta sitintayele. Melel te ants winiketik jaʼnax kʼux ya yaʼiy sbaik ta stukelik; […] maʼyuk acuerdo ta yoʼtanik» (2 Timoteo 3:1-3).

 Te ajwaliletik wokol ya yilik te ya staik te lamalkʼinal manchukme bayal ants winiketik ya spasik tulan ta stael. Ay machʼatik te jkʼaxel ma pajal te bin ya snopike, jaʼ yuʼun wokol ya yaʼiyik te jun-nax ya x-aʼtejik ta schajpanel te kʼopetike. Spisil ini ya yakʼ ta ilel te smelelil te bin yalojix-a te Bibliae.

•   «Jtuhl winic ya smosohin yan winic yuʼun ya yaʼbe swocol» (Eclesiastés 8:9).

 Te Biblia ya yal te ay jun gobierno te ay ta skʼab jtul Ajwalil te ya xjuʼ ya slajin spisil te wokoliletik ya xkʼax ta stojol te ants winiketik.

 Te Biblia ya yalbey skʼoplal jtul Ajwalil te maʼyuk machʼa pajal sok te ya xjuʼ ya schajpan te kʼopetike. Te Ajwalil ini jaʼ te Jesucristo. Ay yuʼel, akʼbil mukʼ yaʼtel sok ya skʼan te ayuk lamalkʼinal sok te jun-nax ya x-ayinik te ants winiketike.

•   «Ta yorahil te ajwalil ya me xnichin te bin stojil ta pasel soc ay bayel lamal qʼuinal» (Salmo 72:7).

•   «Spisil te nacionetic ya me yacʼ sbahic ta aʼbatinel yuʼun» (Salmo 72:11).

 Te Jesús jaʼ kʼax lekil Ajwalil, melel bayal skʼoplal ta yoʼtan te ants winiketik sok ya skʼan ya skoltaylan, kʼaxtoxan-a te machʼatik ay bin ma stojiluk ya yichʼik pasbeyele.

•   «Ya me scoltay te pobre te ya xʼawon soc te machʼa ay swocol te mayuc machʼa ya xcoltayot yuʼune. Ya me snaʼbe yoʼbolil sbahic te pobre soc te machʼa mayuc bin ay yuʼun; soc ya me scoltaybe scuxlejalic te pobrehetique. Ya me scoltaylan ta wocol soc ta utsʼinel» (Salmo 72:12-14).

 Naʼbeyaxan sba te Wentainel te ay ta chʼulchan te jaʼ ay ta skʼab te Jesús, jichme ya awil bin-utʼil ya skoltayat sok te bin-utʼil ya xjuʼ ya akoltaybey skʼoplal.

•   Ilawil te video ¿Bin-a te Wentainel yuʼun te Diose?

•   Kʼopona te artículo «El Reino de Dios: un gobierno sin corrupción».