Te Organización Mundial de la Salud (OMS), la yal te ta 23 yuʼun mayo 2022 lajemikix 6 millón 270 mil ta tul ants winiketik ta skaj te COVID-19. Ta jun informe te lokʼ ta 5 yuʼun mayo 2022, te OMS la yal te bayal machʼatik lajikxan. La yal te ta jaʼbil 2020 sok 2021, «te yajtalul te machʼatik lajemik ta swenta te COVID-19 o ta yan chamel [...] jaʼ jteb ma sta 14 millón 900 mil ta tul ants winiketik». ¿Aybal bin ya yal te Biblia ta swenta te wokolil ini?

•    Te Jesús la yal te ta «slajibal cʼahcʼal bahel» ya xtal tulan chameletik (2 Timoteo 3:1; Lucas 21:11).

 Te albilkʼop la yal te Jesús yak ta kʼoel ta pasel ta ora ini. Yuʼun ya anaʼbeyxan skʼoplal, kʼopona te artículo «¿Bin señail ya yakʼ ta ilel te ayotikix ta «slajibal cʼahcʼal»?».

•    «Te Dios te ya yacʼ [...] mucʼul-oʼtanil, [...] ha te machʼa ya smucʼubtes qʼuinal caʼiytic ta spisil te jwocoltic» (2 Corintios 1:3, 4).

 Bayal ta tul ants winiketik te ay machʼa lajem yuʼunik staojik smukʼul yoʼtanik ta Biblia. Kʼopona te articuloetik «Te bin-utʼil ta sitintayel te mel-oʼtan: Koltayeletik» sok «Lekil koltayel ta stojol te machʼatik ay machʼa lajem yuʼunik».

•    «Acʼa taluc te cuentahinel awuʼun; acʼa yichʼ pasel ta bahlumilal te bin ya scʼan awoʼtan, hich te bin utʼil yac ta pasel ta chʼulchan» (Mateo 6:10).

 Nopol «te cuentahinel yuʼun Dios» ya skotes ta pasel te bin ya yal te texto ini: «Mayuc machʼa te nahinem ta Sión te hich ya yal: Ayon ta chamel». (Marcos 1:14, 15; Isaías 33:24). Yuʼun ya jnaʼtikxan ta swenta te Wentainel ini sok te bin ya xbajt spas, ilawil te video ¿Bin-a te Wentainel yuʼun te Diose?

 Ya kikʼatkotik yuʼun ya anopxan te bin ya yal te Biblia. Jich te jaʼat sok te afamilia ya ataik tojobteseletik te ya xjuʼ ya skoltayex sok te bin ya sjapbotik te Jehová.