Ta viernes 24 yuʼun febrero 2023, ya stsʼakaj jun jaʼbil te jajch te guerra ta Ucrania. Ay yichʼoj alel te ayniwan lajemikix o ejchenajemik 300 mil ta tul soldadoetik yuʼun Ucrania sok yuʼun Rusia, sok aylaj lajemik 30 mil ta tul ants winiketik. Jaʼ ini jaʼ te bin ya yichʼ alel, pero kʼaxemniwan-a te machʼatik lajemike.

 Jich yilel te maba kejchajelukix te guerrae.

•   «Manchukme jteb ma staix jun jaʼbil te la yochintayik Ucrania te soldadoetik yuʼun Rusia, jich yilel te maba ya xkejchaje. Jaʼnix jich maʼyuk machʼa ya xjuʼ yuʼun tsalaw yilel o te ya skʼan ya schap skʼopike» (NPR [radio pública nacional de Estados Unidos], 19 yuʼun febrero 2023).

 Jaʼ yuʼun, bayal machʼatik ya smel yoʼtanik yuʼun te wokolil ya yakʼ te guerra ini sok te yantik kʼopetik te ya yakʼbey swokol te ants winiketik ta swolol Balumilal. ¿Bin mukʼul oʼtanil ya yakʼ te Biblia? ¿Aybal bin-ora ya xlaj skʼoplal te guerraetike?

 Te Biblia ya yalbey skʼoplal jun guerra te ya xbajt yakʼbey skolel te ants winiketik. Te guerra ini jaʼ te Armagedón, te Apocalipsis jich ya yalbey skʼoplal: «Ta guerra ta smukʼul kʼajkʼalel te Diose, te Machʼa spisil ya xjuʼ yuʼune» (Apocalipsis 16:14, 16). Te Dios ya stuuntes te Armagedón yuʼun ya slajin spisil te ajwaliletik ta Balumilal, melel jaʼ ya sjachik te guerraetik te ya yakʼbey swokol te ants winiketik. Yuʼun ya jnaʼtik bin-utʼil ya yichʼ tal lamalkʼinal te Armagedón, kʼopona te articuloetik ini:

•   ¿Bin-a te Armagedón?

•   Te Armagedón jaʼ jun lekil notisia