Te guerra jajchem ta Ucrania, yakʼoj ta ilel te jwolwanejetik yuʼun te religión ya stijbey yoʼtan te ants winiketik yuʼun ya xbajtik ta guerra. Kiltik te bin ya yal te jwolwanejetik ta skoltaybeyel skʼoplal:

•   «Ya jkʼan ya kalbeytik yutsil skʼoplal sok ya kalbeytik wokol te machʼatik ya yakʼ skuxlejalik ta skoltayel te Ucrania ta stojol te skontratak. Akʼa snaʼik te ya xbajt jkoltaytik sok te ya xbajt jpastik oración ta stojolik» (Metropolitano Epifanio I de Kyiv, The Jerusalem Post, 16 yuʼun marzo 2022).

•   «Te domingo ini te jwolwanej yuʼun te iglesia ortodoxa Rusa, la yakʼ jun misa ta stojol te soldadoetik yuʼun Rusia, banti la stijbey yoʼtan yuʼun ya skoltaybeyik skʼoplal te slumalik, kʼalal jich la yal: «Jich te bitʼil joʼotiknax ya jnaʼtik spasel». Jaʼto ta ora ini, te soldadoetik yuʼun Moscú yak yakʼbel te scampañaik ta Ucrania» (Reuters, 3 yuʼun abril 2022).

 ¿Yabal skʼan ya xbajtik ta guerra te jchʼuunjeletik yuʼun Cristo? ¿Bin ya yal te Biblia?

 Te Biblia ya yal te machʼatik stʼunojik te Cristo ma xbajtik ta guerra.

•   «Kʼeja ta yawil te espadae, melel te machʼatik ya stsakik te espada, ta espadanix ya yichʼ milel-euk» (Mateo 26:52).

   Te machʼa ya skoltaybey skʼoplal sok ya xbajt ta guerra, ¿yabal yakʼ ta ilel te ya schʼuunbey smantal te Jesús?

•   «Ya kakʼbeyex yachʼil mantalil: talel kʼaxel kʼuxme xa awaʼiy aba ta awoʼtanik, jich te bin-utʼil kʼux ya kaʼiyex ta koʼtane, jaʼnixme jich talel kʼaxel kʼuxme xa awaʼiy aba ta awoʼtanik. Jichme ya snaʼik spisil te ants winiketik te jaʼex jnopojelex kuʼun: teme talel kʼaxel kʼux ya awaʼiy aba ta awoʼtanike» (Juan 13:34, 35).

   Teme ay machʼa ya skoltaybey skʼoplal te guerra, ¿yabal yakʼ ta ilel te kʼuxul oʼtanil la yalbey skʼoplal te Jesús?

 Teme ya akʼan ya anaʼbeyxan skʼoplal, kʼopona te artículo «El cristianismo y la guerra: ¿son compatibles?».

 ¿Yabal xjuʼ ya jchʼuuntik te maba ya schikʼ sbaik ta guerra te jchʼuunjeletik yuʼun Cristo ta kʼajkʼal ini? Yak. Te Biblia ya yal te ta «slajibal cʼahcʼal» ay ants winiketik te «ma ba ya schahpanix sbahic ta yaqʼuel guerra», jich bitʼil la yakʼ ta nopel te Jesús (Isaías 2:2, 4).

•   Swenta ya anaʼbeyxan skʼoplal, kʼopona te articuloetik yuʼun te revista La Atalaya «¿Qué piensa Dios de las guerras?».

 Nopolix te Jehová, a «te Dios te ya yakʼ lamalkʼinal» ya stuuntes te Wentainel, yuʼun ya skoltay te ants winiketik ta stojol te «wocol soc ta utsʼinel» (Filipenses 4:9; Salmo 72:14).

•   Swenta ya anaʼ bin-utʼil ya xbajt spas, ilawil te video «¿Bin-a te Wentainel yuʼun te Diose?».