Te kʼalal xtaluk ta Balumilal te Jesús, la yakʼ ta ilel te kʼuxotik ta yoʼtan sok la yakʼ skuxlejal ta jtojoltik (Mateo 20:28; Juan 15:13). Nopol ya xbajt yakʼ ta ilelxan te kʼuxotik ta yoʼtan, jich bitʼil Ajwalil yuʼun te Wentainel yuʼun te Dios ya xbajt slajin ta jkʼaxel te «guerrahetic cʼalal ta stiʼil bahlumilal» (Salmo 46:9).

 Ilawil te bin ya yal te Biblia ta swenta te bin ya xbajt spas te Jesús:

•   «Ya me scoltay te pobre te ya xʼawon soc te machʼa ay swocol te mayuc machʼa ya xcoltayot yuʼune. Ya me snaʼbe yoʼbolil sbahic te pobre soc te machʼa mayuc bin ay yuʼun; soc ya me scoltaybe scuxlejalic te pobrehetique. Ya me scoltaylan ta wocol soc ta utsʼinel» (Salmo 72:12-14).

 ¿Bin utʼil ya kakʼtik ta ilel te ya kaltik wokol ta swenta te bin spasoj sok te bin ya xbajt spas te Jesús ta jtojoltike? Ta Lucas 22:19, te Jesús la yalbey te jnopojeletik yuʼun te akʼa snaʼulanik te slajele. Jaʼ yuʼun ta jujun jaʼbil te testigoetik yuʼun Jehová ya stsob sbaik yuʼun ya spasik te Snaʼojibal slajel te Jesús. Yame kikʼatkotik te yakuk ajokinotik ta kʼajkʼal-abi. Te skʼajkʼalel ya xkʼot ta domingo 24 yuʼun marzo 2024.

Te banti ya yichʼ pasel te Snaʼojibal slajel te Jesús