Te kʼalal xtaluk ta Balumilal te Jesús, la yakʼ ta ilel te kʼux ta yoʼtan te ants winiketik kʼaxtoxan-a te machʼatik pobreik sok te ay swokolik (Mateo 9:36). Sok la yakʼ skuxlejal ta stojol te yantik (Mateo 20:28; Juan 15:13). Nopol ya xbajt yakʼ ta ilelxan te kʼuxotik ta yoʼtan, jich bitʼil Ajwalil yuʼun te Wentainel yuʼun te Dios ya xbajt stuuntes te yuʼel yuʼun ya slajin te pobreil ta swolol te Balumilal.

 Te Jesús ya xbajt skʼotes ta pasel te tʼujbil kʼopetik te ya yalbey skʼoplal te Biblia:

•   «Toj me ya xchahpan te machʼatic te ay swocolic ta pueblo, ya me scoltaybe te yal-snichʼnab te machʼatic mayuk bin ay yuʼunic» (Salmo 72:4).

 ¿Bin-utʼil ya kakʼtik ta ilel te ya kaltik wokol ta swenta te bin spasoj sok te bin ya xbajt spas te Jesús ta jtojoltike? Ta Lucas 22:19, te Jesús la yalbey te jnopojeletik yuʼun te akʼa snaʼulanik te slajele. Jaʼ yuʼun ta jujun jaʼbil te testigoetik yuʼun Jehová ya stsob sbaik yuʼun ya spasik te Snaʼojibal slajel te Jesús. Yame kikʼatkotik te yakuk ajokinotik ta kʼajkʼal-abi. Te skʼajkʼalel ya xkʼot ta domingo 24 yuʼun marzo 2024.

Te banti ya yichʼ pasel te Snaʼojibal slajel te Jesús