Te Jesús ya xkʼot ta yoʼtan te bin yaʼiyel ya kaʼiy jbatik kʼalal ay bin ma stojiluk ya kichʼtik pasbeyel yuʼun te chopol ants winiketike. Melel jaʼnix jich kʼax ta stojol euk, ay bin la yalik ta stojol te ma smeleliluk, la smajik, la yichʼik ta kʼop, la slebeyik smul sok la smilik. Manchukme maʼyuk smul la yakʼ skuxlejal sok la «yakʼ sba ta lajel yuʼun jich ya sta skolelik bayal ta tul ants winiketik» (Mateo 20:28; Juan 15:13). Ta ora ini jaʼix Ajwalil yuʼun te Wentainel yuʼun te Dios. Nopolme ya slajin te bin chopol ya yichʼ pasel sok jaʼme ya yichʼ tal te bin stojil ta pasel ta swolol Balumilal (Isaías 42:3).

 Te Biblia ya yalbey skʼoplal te bin yilel ya xkʼot te Balumilal kʼalal te Jesús ya slajinbey skʼoplal te utsʼinwanej:

•    «Nopol ya xchʼay bahel te machʼa chopol; yac ale, pero ma ba tey ayix a. Yan te machʼatic manso yoʼtanic ya me yichʼic hilel te qʼuinal soc ya me smulanic bayel lamal qʼuinal» (Salmo 37:10, 11).

 ¿Bin-utʼil ya kakʼtik ta ilel te ya kaltik wokol ta swenta te bin spasoj sok te bin ya xbajt spas te Jesús ta jtojoltike? Ta Lucas 22:19, te Jesús la yalbey te jnopojeletik yuʼun te akʼa snaʼulanik te slajele. Jaʼ yuʼun, ta jujun jaʼbil te testigoetik yuʼun Jehová ya stsob sbaik yuʼun ya spasik te Snaʼojibal slajel te Jesús. Yame kikʼatkotik te yakuk ajokinotik ta kʼajkʼal-abi. Te skʼajkʼalel ya xkʼot ta domingo 24 yuʼun marzo 2024.

Te banti ya yichʼ pasel te Snaʼojibal slajel te Jesús