«Oranax yak ta jinel te Balumilale, ya xpul ta jaʼ te mukʼul lumetik, kʼax kʼux te kʼajkʼal, tulan yikʼal jaʼal, ay lugaretik te banti jkʼaxel maʼyuk jaʼ, bayal chambalametik sok teʼetik yakik ta lajel. Smelelil te bin yakon ta yalele, ta swenta te bin ya yal te ciencia yak ta jinel te Balumilal ta swenta te bin yakotik ta spasele». Jich la yal te António Guterres Secretario General de las Naciones Unidas, jaʼ te sujtib la yakʼbey ta stojol te machʼatik ya yilbeyik ta lek skʼoplal te kʼalal jelon te kʼinal ta 4 yuʼun abril 2022.

 «Te cientificoetik ya yalik te jaʼbiletik te yak ta talele, te wokoliletik ya yakʼ te kʼalal ya xjelon te kʼinale ya xbajt yutsʼin jteb ma spisil te mukʼul kʼinaletik te ayik ta Estados Unidos, melel maba ya xkujch yuʼun te skʼixinal te kʼinale. Teme ya xlaj te 423 ta sejp kʼinaletik-abi ya xjuʼ ya xjajch: kajkʼel, pulel, yax ul te banti kʼax bayal te hielo, yax mo te mukʼul jaʼetik sok ya xtoy te skʼuxul kʼajkʼale». «Tulan pulemal ta Yellowstone, yakʼel ta naʼel te bintik ya xkʼot ta pasel», jich la yal te periódico The New York Times, 15 yuʼun junio 2022.

 ¿Yabal xjuʼ ya xchajpaj te bintik yak ta sjinel te Balumilale? Teme yake, ¿bintik ya xjuʼ ya schajpan? Ilawil bin ya yakʼ ta nopel te Biblia.

 Te Biblia ya yal te Dios ya xbajt slajin spisil te «machʼatik yakik ta sjinel te balumilale» (Apocalipsis 11:18). Te versículo ini ay bin oxchajp ya yakʼ jnoptik:

1.  1. Te ants winiketik ya sjinik te Balumilale.

2.  2. Ay schajpajibal te bintik ya sjin te Balumilale.

3.  3. Te Dios jaʼ te machʼa ya xbajt schajpan, ma jaʼuk te ants winiketike.

 Te Biblia ya yalbotik te «stalel ya xhil te qʼuinale» (Eclesiastés 1:4). Sbajtelkʼinal ya xkuxinik tey-a te ants winiketike.

•   «Te machʼatic toj yoʼtanic ya me yichʼic hilel te qʼuinale, sbahtel qʼuinal ya xnahinic tey a» (Salmo 37:29).

 Te Balumilal ya yichʼ achʼubtesel, kʼax tʼujbil ya xkʼot.

•   «Ay yutsil qʼuinal ya yaʼiyic te jochol taquin qʼuinal soc te taquin lum; tseʼel yoʼtan te jochol taquin qʼuinal, hich ya xnichin te bin utʼil te tsajal nichime» (Isaías 35:1).