•   «Jteb ma sta olil te yijil ants winiketik te ayik ta Estados Unidos ya yalik te ay stukel ya yaʼiy sbaik, kʼaxtoxan te machʼatik ay yaʼbilalik ta 18 kʼalal ta 25 jaʼbil» (Our Epidemic of Loneliness and Isolation: The U.S. Surgeon Generalʼs Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

•   «[Te OMS] la yalbey skʼoplal te ya skʼan ya sle ants winiketik yuʼun ya skoltay te machʼatik stukel ya yaʼiy sbaik. Te mukʼuk skʼoplal ya yilik spisil te nacionetik te jichuknix ya spasik yuʼun maba stukel ya yaʼiy sbaik te ants winiketik, manchukme maʼyuk stakʼinik» (Organización Mundial de la Salud, 15 yuʼun noviembre 2023.

 Te Biblia ya yakʼ lekil consejo yuʼun maba jtukel ya kaʼiy jbatik.

 Mame spisiluk-ora atukeluk te bintik ya apase. Jich bitʼil te ma bayaluk ora ya x-ochat ta redes sociales. Ja xa ale bin-utʼil ya akʼases tiempo sok te yantik sok te ya ale lekil awamigotak.

•   Texto te mukʼ skʼoplal: «Te machʼa jun yoʼtan sbahic,spisil ora ay scʼuxul yoʼtan, soc hich cʼohem te bin utʼil sbanquil ta yorahil wocol» (Proverbios 17:17).

 Lea bitʼil ya akoltay te yantike. Spasel te bin lek ta stojol te yantik ya yakʼ te lekxan ya kil jbatik, tseʼelnax koʼtantik yuʼun, sok leknax ya kaʼiy jbatik.

•   Texto te mukʼ skʼoplal: «Te machʼa ay bin ya yakʼ jaʼ bayalxan stseʼelil yoʼtan te bin-utʼil machʼa ay bin ya yichʼe» (Hechos 20:35).

 Teme ya akʼan ya ale yantik textoetik yuʼun Biblia te ya xjuʼ ya skoltayat yuʼun ya ata lekil awamigotakOchan ta jw.org.