Te Agencia Católica yuʼun noticiaetik Catholic News Service, la yal te bin kʼot ta pasel ta 25 yuʼun marzo ta 2022, la yichʼ pasel jun kʼin ta Basílica yuʼun San Pedro. Ta kʼin-abi te Papa Francisco la stejkʼan sba ta stojol te slokʼomba te María la snijan sba, la smutsʼ sit sok kʼun-nax la spas oración. La skʼanbey te María te ayuk lamalkʼinal. Ta página yuʼun Internet Vatican News la yal ta swenta te Papa: «La spas oración ta stojol te machʼatik ya yakʼ sbaik ta stojol Dios sok te yakuk sta slekilal te ants winiketik, kʼaxtoxan ta stojol te machʼatik ayik ta Rusia sok ta Ucrania, te ayuk ta yoʼtan te María».

 ¿Bin ya anop yuʼun? ¿Lekbal teme ya jtuuntestik jun lokʼomba te kʼalal ya jkʼopontik te Dios? Nopa awaʼiy ta swenta te bin ya yal te versiculoetik ini:

•   «Ma me xapasbe slocʼombahil o biluc a te pajal yilel soc te bintic ay ta chʼulchan, ta bahlumilal o ta haʼetic ta yeʼtal bahlumilal. Ma me xaquejan aba ta stojolic soc ma me xawichʼ ta mucʼ, como hoʼon Jehovahon te Dioson awuʼun, xutʼet coʼtan» (Éxodo 20:4, 5). a

•   «Te locʼombahetic yuʼun te yantic pasbilic ta plata soc ta oro, ha yaʼtel scʼab winiquetic. Ay yehic, pero ma xcʼopojic; ay sitic, pero ma xyilic qʼuinal; ay schiquinic, pero ma xyaʼiyic cʼop; ay sniʼic, pero ma xyichʼic icʼ; ay scʼabic, pero mayuc bin ya stsaquic; ay yoquic, pero ma xbehenic; soc ma xcʼopojic ta snuqʼuic. Te machʼatic la spasic te locʼombahetic pajal cʼohemic soc, ha nix hich spisil te machʼatic ha ya smucʼulin yoʼtanic» (Salmo 115:4-8).

•   «¡Hoʼon Jehovahon, ha me te jbihile! mayuc machʼa ya caʼbe te cutsilale, ni ma ba ya caʼbe te locʼombahetic te yutsil jcʼoblal te ya yichʼ halele» (Isaías 42:8). Nota

•   «Ahnanic loqʼuel ta stojol schʼuhunel locʼombahetic» (1 Corintios 10:14).

•   «Sahtaya me abahic yuʼun te locʼombahetique» (1 Juan 5:21).

 Teme ya akʼan ya anaʼbeyxan skʼoplal te bin ya yal te Biblia ta swenta stuuntesel lokʼombaetik ta yichʼel ta mukʼ te Dios, kʼopona te artículo «El punto de vista bíblico las imagenes» o ilawil te video ¿Yabal smulan Dios te ya jtuuntestik lokʼombaetike?

 Sok yaniwan ya akʼan ya anaʼbeyxan skʼoplal te bin ya yal te Biblia ta swenta ini:

•   «¿Qué dice la Biblia sobre la virgen María?»

•   «¿Debería usted rezarle a la Virgen María?»

•   «¿Son señales de Dios los milagros y apariciones?»

•   «¿Bin-utʼil ya x-ayin lamalkʼinal ta Balumilal?»

Photo credit: Vincenzo Pinto/AFP via Getty Images