Te ants winiketik kʼax ma lekix te stalelik: te machʼatik ya xbajtik ta doctor ma x-yichʼik ta wenta te poxtaywanej, te machʼatik ya xbajtik ta weʼel ta restaurante ya yutsʼinik sok ya yutik te machʼatik ya x-aʼtejik tey-a, te machʼatik ya xmoik ta avión ma xjuʼik ta komel sok ya yutsʼinik te machʼatik ya x-aʼtejik tey-a, sok te alaletik ma xyichʼikix ta mukʼ te smaestroike, ya yalik te ay bin ma lek ya xbajt spasbey ta stojol sok ya yakʼbeyik swokol. Jaʼnix jich ay chaʼoxtul politicoetik te ya yakʼik ta ilel te ma x-ichʼawanik ta mukʼ, pero ay yantik te ya yalik te x-ichʼawanik ta mukʼ.

 Te Biblia ya yalbey skʼoplal te bin yilel te smelelil lekil talelil sok jaʼnix jich ya yal bin yuʼun maʼyuk machʼa ya x-ichʼawan-nix ta mukʼ ta ora ini.

 Ta swolol Balumilal te ants winiketik kʼax ma lekix te stalelike sok ma x-yichʼikix ta mukʼ te bin lek ta pasel, jich ya yakʼik ta ilel ta swenta te bin ya spasik sok te stalelik.

•    Ta jun encuesta te la spas te Gallup te mato jaluk, te ants winiketik ta Estados Unidos kʼax jelonemix te stalelik maba jichukix te bitʼil ayix talel 22 jaʼbil.

•    Ta yan encuesta te la yichʼ pasel ta stojol te kʼaxem ta 32 mil ta tul ants winiketik ta 28 ta jpam lumetik, te 65% la yalik te jtab ma spisiluk te ants winiketik ma x-ichʼawanik ta mukʼ ta ora ini.

 Te Biblia yalojix-a te bin yilel stalel ya yakik ta ilel te ants winiketik ta ora ini.

•    «Te slajibal kʼajkʼale, yame xtal te bintik chujkultik sba sok te tulan ta sitintayele. Melel te ants winiketik jaʼnax kʼux ya yaʼiy sbaik ta stukelik; ya xbikʼtaj yoʼtanik yuʼun takʼin, ya stoy sbaik, mukʼ skʼoplal ya skuy sbaik, jbolkʼoptaywanejetik, ya skʼaxuntaybeyik smantal smeʼ statik, ma snaʼik yalel wokol sok ma junuk yoʼtanik, maʼyuk skʼuxul yoʼtanik, maʼyuk acuerdo ta yoʼtanik, ya xleawanik ta kʼop, ma snaʼik skomel sbaik, kʼaxto ya x-utsʼinwanik, maʼyuk skʼoplal ta yoʼtanik te bin leke» (2 Timoteo 3:1-3).

 Teme ya akʼan ya anaʼbeyxan skʼoplal te bin-utʼil yak ta kʼoel ta pasel te albilkʼopetik te ya yal te Biblia, kʼopona te artículo «¿Predijo la Biblia cómo sería la gente en nuestros días?».

 Manchukme jteb ma spisil te ants winiketik ta swolol balumilal kʼax ma lekix te stalelik, bayal millón ta jtul slekubtesojix te stalelik ta swenta te tojobtesel te ya yakʼ te Biblia. Te tojobteseletik ya yakʼe «Tulan ayic ta sbajtʼel qʼuinal; xchajbanej ta toj soc ta smelelil» (Salmo 111:8). Ilawil cheʼoxeb ejemploetik:

•    Te bin ya yal te Biblia: «Jichme xa apas ta stojol yantik spisil te bin ya amulan te ya spasik ta atojole» (Mateo 7:12).

   Te bin ya skʼan ya yal : Ya skʼan te jichuk ya jpastik ta stojol te yantik jich bitʼil ya jkʼantik ya spasbotik-euke: jich bitʼil te ayuk slekil koʼtantik sok yakuk x-ichʼawanotik ta mukʼ.

•    Te bin ya yal te Biblia: «Jich bitʼil te la awijkitayikix spasel spisil ta chajp loʼlaywanej, ta jujuntulex smelelilukme te bin ya awalbeyik te apatxujkike» (Efesios 4:25).

   Te bin ya skʼan ya yal: Jaʼ te smeleliluk te bin ya kaltik sok te bin ya jpastik.

  Ya xjuʼ ya awilbeyxan skʼoplal ta swenta te tema ini:

•    Te J-ilkʼinal ta toyol te sbiilinej «Tojobtesel te ya xtuun kuʼuntik».

•    Te artículo «¿Yabal skoltayotik te Biblia ta yichʼel ta wenta te yantike?».